Ryan Reynolds ka zbuluar së fundmi detaje rreth Deadpool 3. Përmes rrjetit social,Instagram, Ryan ka treguar se aktori Hugh Jackman do të jetë në vazhdimin e filmit.
Në video shihet një Reynolds i dëshpëruar, i cili kërkon falje që nuk mori pjesë në konferencën e Disney D23 në fillim të këtij muaji. Duke diskutuar se si të qetësonte fansat e ekskluzivitetit, Reynolds tha se do jepte një njoftim të madh.
“Hej, të gjithë, jemi jashtëzakonisht të trishtuar që na ka munguar D23, por ne kemi punuar shumë për filmin e ardhshëm “Deadpool”, thotë Reynolds në video. “Më është dashur të jap shpirtin tim për këtë. Paraqitja e tij e parë në MCU padyshim duhet të jetë e veçantë. Ne duhet t’i qëndrojmë besnikë karakterit, të gjejmë motivim, kuptim të ri. Çdo Deadpool duhet të dallohet. Ka qenë një sfidë e jashtëzakonshme. Por ne kemi një ide.”Hej, Hugh Jackman, doni të luani Wolverine edhe një herë?” pyet ai, ndërsa Jackman kalon pranë. “Po, sigurisht, Ryan,” përgjigjet Jackman. Në video, Reynolds përfshiu gjithashtu një datë publikimi për filmin e shumëpritur, duke informuar fansat se Deadpool 3 është planifikuar të dalë në kinema më 6 shtator 2024.
Hyrja e Deadpool në Marvel Cinematic Universe u konfirmua janarin e kaluar. Në një intervistë me Collider, Presidenti i Marvel Studio Kevin Feige konfirmoi një film të tretë të udhëhequr nga aktori për Deadpool. Filmiu shfaq për herë të parë në vitin 2016 dhe u pasua nga Deadpool 2 dy vjet më vonë./Lapsi.al