Suedia ka nisur hetimet për rrjedhjet nga tubacionet Nord Stream dhe çështja aktualisht është duke u shqyrtuar nga Prokuroria e Përgjithshme. Në bazë të raportit të paraqitur nga Autoriteti Policor Suedez, prokurori do të përcaktojë hapat e ardhshëm, tha Karl Jigland, nga shërbimi për shtyp i Prokurorisë suedeze.
Deri tani dyshohet për sabotim por kjo gjë mund të ndryshojë, tha policia në një email për CNN.
Autoritetet suedeze paralajmëruan të martën për rrjedhje në tubacionet Nord Stream 1 dhe Nord Stream 2, që të dyja kalojnë në Detin Baltik pranë Suedisë dhe Danimarkës dhe kanë qenë pika kryesore në luftën energjetike midis Europës dhe Rusisë.
Disa liderë europianë kanë përmendur shqetësimet, me Presidenten e Komisionit Europian Ursula von der Leyen duke iu referuar rrjedhjeve të tubacionit si sabotime, në një postim në Twitter të martën.
Ndërkohë, kryeministrja suedeze Magdalena Andersson tha të martën se incidenti “ka të ngjarë të jetë i qëllimshëm”.
edhe jan te besueshme?