Ed Sheeran është urdhëruar të dalë në gjyq në ShBA për pretendimet se ka kopjuar këngën Thinking Out Loud nga Let’s Get It On i Marvin Gaye.
Një gjykatës mohoi ofertën e Sheeran për të pushuar çështjen. Ai tha se një juri duhet të vendosë për ngjashmëritë midis këngëve.
Pretendimi u parashtrua fillimisht në vitin 2018. Padi nuk erdhi nga familja e Gaye, por nga bankieri i investimeve David Pullman dhe një kompani, Structured Asset Sales.
Duke kërkuar 100 milionë dollarë dëmshpërblim, ata pretendojnë se Sheeran dhe bashkë-shkrimtarja e tij Amy Wadge “kopjuan dhe shfrytëzuan, pa autorizim apo kredi” këngën e Gaye. Të enjten, gjykatësi i qarkut të SHBA, Louis Stanton përmendi një mosmarrëveshje midis ekspertëve muzikorë në të dyja anët e padisë si arsye për urdhërimin e gjyqit.
Kjo nuk është hera e parë që Ed Sheeran përballet me probleme ligjore. Ai shkoi në gjyq për Shape of You në mars. Artisti u akuzua se kishte përdorur pjesë nga një këngë e vitit 2015 nga Sami Chokri dhe Ross O’Donoghue.
Megjithatë, një gjyqtar i Gjykatës së Lartë arriti në përfundimin se nuk kishte plagjiaturë.
“Shpresoj që ky vendim do të thotë që në të ardhmen pretendimet e pabaza si ky mund të shmangen. Kjo me të vërtetë duhet të marrë fund.” “Është vërtet e dëmshme për industrinë. Rastësia do të ndodhë nëse 60,000 këngë publikohen çdo ditë në Spotify”, u shpreh Sheeran.
Përktheu: Lapsi.al
Marrë nga: BBC