Vetëm një i skualifikuar në Kategorinë e Parë e pastaj gjobat e zakonshme, sipas asaj që ka vendosur Disiplina. Kështu, pas ndeshjeve të Kupës së Shqipërisë, Partizani është i detyruar të paguajë 50.000 lekë. E gjitha i atribuohet sjelljes së gabuar të tifozëve në debutimin në stadiumin e ri. Bashkë me Partizanin e ka pësuar edhe Lushnja, e detyruar të paguajë të njëjtën gjobë.
Në vendimet që ka dhënë Disiplina janë edhe tetë ndeshje skualifikim, për zyrtarin e Tomorit, Hoxha. Mbi të rëndon sjellja jo sportive ndaj arbitrit të ndeshjes. Megjithatë, skualifikimi është i pjesshëm dhe qendron pezull pas shlyerjes së gjysmës së dënimit. E ka pësuar nga Disiplina edhe lojtari i Butrintit Albi Selimaj, i cili do të qendrojë jashtë për 4 javë. Vendimi është dhënë mbi sjelljen anti-sportive të lojtarit.
Lexo më tej: Disiplina e gjobave: logo e pavendosur e sponsorit të Superiores më produktive se sjellja e gabuar e tifozëve
Vendimet e Komisionit të Disiplinës dhe Etikës së FSHF datë 1.10.2022
1. FC Lushnja e pëson për sjellje të gabuar të spektatorëve. Në bazë të nenit 65/1 dhe 65/3/a të KDS, dënohet me gjobë në masën 50.000 (pesëdhjetë mijë) lekë.
2. Zyrtari i FK Tomori, Kejsi Hoxha e pëson për sjellje josportive ndaj zyrtarit të ndeshjes. Në bazë të nenit 48/2/a të KDS, dënohet me 8 (tetë) ndeshje pezullim nga aktiviteti. Në aplikim të nenit 32/2/3 të KDS, vendoset pezullimi i pjesshëm i zbatimit të dënimit. Kjo pas shlyerjes së gjysmës së tij. Periudha e pezullimit me kusht, në zbatim të nenit 32/4 të KDS, do të jetë 6 (gjashtë) muaj.
3. FK Partizani e pëson për sjellje të gabuar të spektatorëve. Në bazë të nenit 65/1 dhe 65/3/a të KDS, dënohet me gjobë në masën 50.000 (pesëdhjetë mijë) lekë.
4. Lojtari i KF Butrinti, Albi Selimaj, e pëson për sjellje josportive ndaj kundërshtarit. Në bazë të nenit 47/1/d të KDS, dënohet me 4 (katër) ndeshje pezullim nga aktiviteti.
MOSHAT
5. Lojtari i Akademia e Futbollit U15, Emiljano Mihana, për sjellje josportive ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
6. Lojtari i KF Skënderbeu U14, Kristian Lumi e pëson për sjellje josportive ndaj kundërshtarit. Në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
7. Lojtari i Akademia e Futbollit U14, Valentin Rusi e pëson për sjellje josportive ndaj kundërshtarit. Në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
8. Lojtari i KF Vllaznia U14, Adis Krymbi, e pëson për sjellje josportive ndaj kundërshtarit. Në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
9. Lojtari i SHS Pepa U14, Enis Zoto, e pëson për sjellje josportive ndaj kundërshtarit. Në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
10. Lojtari i KF Laci U-14, Klaudio Stafa, e pëson për sjellje josportive ndaj kundërshtarit. Në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
11. Lojtari i FK Dinamo U14, Andra Thanasi, e pëson për sjellje josportive ndaj kundërshtarit. Në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
12. Rrëzimin e kërkesës së lojtarit të KF Shënkollit, Sebastjan Deda, si të pabazuar në Kodin e Disiplinës Sportive.
13. Rrëzimin e kërkesës së lojtarit të KF Valbona, Andi Likaj, si të pabazuar në Kodin e Disiplinës Sportive.
14. Rrëzimin e kërkesës së Klubit të Futbollit Butrinti, si të pabazuar në Kodin e Disiplinës Sportive.