• |
ide | kryesore

“Kur fitonim titullin, ti ishe me biberon”: Ferrara e Bruscolotti i mbyllin gojën Cassanos, pas fjalëve për Maradonën

-Instant, Sport
Ferrara

Ciro Ferrara dhe Beppe Bruscolotti, ish futbollistët e titullit të parë kampion të Napolit, i janë përgjigjur Antonio Cassanos. Ata nuk humbën kohë për të replikuar. E bënë në mënyrë të mprehtë, ndaj komenteve të barezit për sukesin e Diego Maradonës në Napoli: “Ai fitoi me disa të ikur nga shtëpia përkrah”. Ferrara, protagonist i të dy titujve napolitan, është përgjigjur përmes profilit të tij në Instagram: “Ti flet për gjëra që nuk i di mirë. Ndërsa ne fitonim titullin e parë në historinë e Napolit, ti ishe me biberon. Hesht, se është më mirë. Maradona nuk do të kishte dashur kurrë një ‘fenomen’ si ty në dhomën e tij të zhveshjes”. Ciro e firmosi frazën e tij me “nu scappat ‘e casa”.


Reagim i ngjashëm edhe për Beppe Bruscolottin, një tjetër nga protagonistët e mëdhenj të atij Napoli: “Nuk do t’i jepja gjithë këtë rëndësi Antonio Cassanos. Gjithmonë duhet të shohësh se kush i thotë disa gjëra dhe të gjithë e njohim atë. Nëse ne jemi të ikur nga shtëpia – ka komentuar në Radio Kiss Kiss -, ai i ka shpëtuar çmendinës. Cassano flet vetë dhe pastaj nuk e di nëse e thotë sepse e mendon vërtet apo thjesht për të marrë shikueshmëri”.


CASSANO INSISTON: “KUSH THOTË TË KUNDËRTËN ËSHTË DASHAKEQ”

Antonio Cassano nuk humbi kohë duke shtuar dozat në Bobo TV: “Nëse duan e them në një mënyrë tjetër, por koncepti është i njëjtë. Maradona ishte një mrekulli e natyrës dhe ai fitoi me njerëz të pavlerë përreth tij. Sepse ishte një jashtëtokësor që bënte gjëra të pabesueshme. Në kampionatin e parë fitoi i vetëm. Më pas në sezonin e titullit të dytë kishte njerëz të fortë si Careca dhe Alemao”.

Ish-sulmuesi i Roma dhe Inter injoroi përgjigjet e protagonistëve të atij Napoli: “Nuk e di nëse Ferrara ishte aty në të dy sezonet, por ai ishte ende shumë i ri. Por e përsëris, Maradona kampionatin e parë që e fitoi me njerëz të pavlerë. Pika dhe nuk mund të themi të kundërtën sepse ishin të pavlerë. Kushdo që thotë diçka tjetër është dashakeq sepse na ka zili”.


Lini një Përgjigje

Adresa juaj email s’do të bëhet publike.