Kanye West ka reaguar së fundmi ndaj kritikave për veshjen e një bluze me fjalët “White Lives Matter” gjatë eventit të tij të koleksionit Yzy Sezon 9.
Përmes rrjetit të tij social,Instagram, ai shkroi “Të gjithë e dinë që”Black Lives Matter ishte një mashtrim.”
Siç theksohet nga Rolling Stone, fraza “White Lives Matter” është një përvetësim i sloganit Black Lives Matter që përdoret për të protestuar kundër padrejtësisë racore, diskriminimit dhe brutalitetit të policisë. Ai është miratuar nga organizatat supremaciste në vitet e fundit dhe është kategorizuar si slogan urrejtjeje.
Djali i Will Smith, Jaden zbuloi në mediat sociale se kishte qenë në evenet por u largua në shenjë proteste. “Nuk më intereson kush je, nëse nuk më pëlqen mesazhi që transmeton, largohem”. Ndërkohë, reperi amerikan Boosie Badazz e quajti Kanye “mosrespektues”.
“Pas gjithë asaj që kemi kaluar , ky person vjen dhe nuk respekton mënyrën sesi zezakët kanë vdekur dhe kanë vuajtur në duart e të bardhëve.Shumë njerëz po përpiqen të justifikojnë Kanye që vesh një bluzë për rëndësinë e jetës për marketing. Ndoshta është. Por është një mesazh rrezikshëm për t’i dërguar dikujt me platformën e tij masive. Unë reagova. Por ju vazhdoni të etiketoni marrëzinë e tij si gjeni”, shkroi ai./Lapsi.al
Lexo Edhe: https://lapsi.al/2022/10/04/kim-kardashian-lancon-podcastin-the-system/