Masakër në Tajlandë. Si pasojë e një sulmi me armë, kanë humbur jetën të paktën 36 persona dhe u plagosën 12 të tjerë. Viktimat e sulmit përfshijnë 23 fëmijë, 4 zyrtarë dhe një grua shtatzënë. Sulmi ndodhi në një kopësht.
“Personi i armatosur, i identifikuar si Panya Kamrab, kishte qenë në një seancë gjyqësore për një akuzë për drogë përpara se të niste sulmin e tij”, u tha gazetarëve një zëdhënës i policisë. Autori i masakrës është një ish-polic.
Policia tajlandeze u kërkon njerëzve që të mos ndajnë foto dhe video të të shtënave dhe viktimave në mediat sociale.
Në rrjete po qarkullojnë pamje tejet sensitive dhe imazhe që supozohet se janë nga vendi i ngjarjes. Sulmi makabër ndodhi në në Nong Bua Lamphu, Tajlandë.
Gjenerali Achayon Kraithong thotë se ndarja e një materiali të tillë ka të ngjarë të ndikojë në shëndetin mendor të njerëzve.
Të plagosurit janë dërguar në spitalin e qarkut Nong Bua Lamphu. Mediat lokale kanë postuar një apel për njerëzit që të dhurojnë gjak, dhe spitali tani thotë se ka furnizime të mjaftueshme.
Lexo më tej: Gjykata në Tajlandë pezullon kryeministrin nga detyra
Lexo më tej: Çmimi i energjisë/ Arsyet pse u zbyth Rama
Lexo më tej: Trondit Rama, thotë se u bë gati të fusë në luftë NATO-n me Iranin