Çmimet e apartamenteve në Bashkimin Europian nga viti 2010 deri në 3-mujorin e dytë të 2022, janë rritur 48%. Për të njëjtën periudhë qiratë janë shtrenjtuar me 18%, sipas të dhënave të fundit të Eurostat.
Ndryshe nga çfarë ka ndodhur në tregun e pasurive të paluajtshme në Europë, në Tiranë çmimet e apartamenteve janë rritur gati 40% vetëm vitin e fundit.
Sipas Indeksit Fischer të Çmimeve të Banesave, i llogaritur nga Banka e Shqipërisë, çmimi mesatar i banesave të shitura gjatë 6-mujorit i 2022 me 39% në krahasim me një vit më parë. Kjo është rritja më e lartë 6-mujore e këtij indeksi që prej vitit 2013, kur Banka e Shqipërisë nisi llogaritjen e tij.
Në raport me periudhën bazë, që është viti 2013, indeksi i çmimeve të banesave është rritur me afërsisht 110%. Kjo shifër është më shumë sesa dy herë mesatarja e bashkimit Europian (që e mat nga viti 2010).
Edhe sipas vëzhgimi të Monitor për kryeqytetin rezulton se çmimet e apartamenteve janë rritur 40% më shumë se vjet. Në kryeqytet këtë vit janë hapur shumë kantiere të reja ndërtimi. Krahasuar me vjet në objektet e reja ku sapo kanë nisur ndërtimet çmimet janë më të larta. Në periferitë e Tiranës siç është “Kinostudio” apo “Astiri” çmimet e apartamenteve të reja kanë arritur 1,000-1,100 euro për m2. Në këto zona çmimi ishte nga 900 deri 1,000 vjet çmimet. Rritja është 10% më shumë.
Lexo më shumë: Çmimet e apartamenteve shtrenjtohen deri në 40% brenda një viti
Në zona të tjera rritja e çmimeve është më e lartë. Në zonën e Komunës së Parisit vjet çmimi maksimal për apartamentet e reja ishte 1,700 euro për metër katror. Këtë vit ka arritur 2,200 euro në ndërtimin e ri në hyrje të komunës së Parisit. Rritja e çmimit krahasuar me vjet është 29,4%. Ndërsa çmimet e apartamenteve në kullat “Book Building” që ka filluar të ndërtohet pas Sahatit dhe “Rainboë Center” tek ish Blloku çmimet kanë arritur 5,000 euro për metër katror. Ato ishin 3,500 deri 4,000 vjet (rritja 25 deri 43%).
Aktorë të tregut ndonëse nuk e pohojnë zyrtarisht pranojnë që rritja e lartë e çmimeve në Shqipëri është e ndikuar, krahas rritjes së kostove të ndërtimit dhe pagave të fuqisë punëtore, edhe nga prania e flukseve të parasë informale. Ylli Sula Ceo i indeksit “Keydata” më herët pohoi për Monitor se edhe pritshmëritë e ndërtuesve për amnistinë fiskale. Sipas tij shumë individë, kryesisht emigrantë të ardhurat e disponueshme informale do të nxitojnë t’i legalizojnë në blerjen e apartamenteve.
“Çmimet e apartamenteve janë të larta, pasi ndërtuesit kanë pritshmëri për efektet që do të ketë amnistia fiskale. Ata që kanë para informale do të nxitojnë t’i investojnë.
Duke qenë se interesat e depozitave janë të ulëta, ndërsa në pasuri të paluajtshme normat e fitimit janë më të lartë, paratë që priten të formalizohen do të investohen për blerje të apartamenteve.
Drafti i amnistisë fiskale lejon deklarim vullnetar të një pasurie me vlerë monetare deri 2 mln euro, duke përfshirë edhe shtetas shqiptarë që jetojnë në emigracion”, pohon ai./ Monitor
Kemi shtet jo llafe
Parate e droges dhe patronazhisteve te korruptuar te medhenj dhe te vegjel.
ja nje cope debili qe ha cdo propagande te monitorit
debili i vertete je ti o kari
keta te monitor jan komplet vegel propagande, bene gjth kete artikull per me dal tek amnistia fiskale. Pse nuk beni nje studim te mirefillte se psh kush blen hyrjet ne nje pallat tek komuna e parisit apo ne pjese te tjera te tiranes se re? Si banor i zones e them me bindje te plote qe as 20% sjane nga parate e emigracioni apo para qe vijne nga jashte. Pjesa me e madhe eshte nga parate informale qe xhirohen ne Shqiperi! Familje qe kan biznese si kafene apo biznese te ndryshme e qe sdeklarojne xhiron reale po nje perqindje te vogel. Shto ketu dhe familjet me te ardhura shume te mire, mjafton te kujtohet file i tatimeve qe shume rroga kalonin mbi 1,5 milion.
qeke xheloz i madh ti per ata qe e paskan rrogen 1 milion e gjys? me familje e femije???? me 1 milion e gjys thjesht ha buk, mbush makinen, dhe del per kafe….. dhe ne fund mund te mbeten ca lek per ti kursy. KAQ. nuk e blen dot kurre dot nje apartament me 400 mije euro! jane leke droge te atij qe i nderton, dhe i blejne po ata te droges!….. ne fund ata kane pastru leket (jane bere biznesmen te ndershem) Tiranes i shtohen kullat e betonit, dhe populli RRI dhe SHIKON