E mërkura e ditës së katërt të Ligës së Kampionëve hapet me barazimin mes Atletico Madridit dhe Brugge. Në Wanda Metropolitano, Colchoneros nuk shkuan përtej 0-0 ndaj kryesuesve të Grupit B. Kështu, belgët e Brugge arrijnë të marrin kalimin për në raundin e dytë të turneut. Skuadra e Diego Simeones iu afrua disa herë avantazhit me Griezmann. Në minutën e 41-të u fishkëllua një penallti kundër Brugge, por arbitri e anuloi pas konsultimit me VAR. Akoma të pafat spanjollët. Correa shënoi në minutën e 47-të, por goli nuk ishte i vlefshëm për pozicion jashtë loje të lojtarit. Atletico Madrid rrezikon tashmë të eliminohen nga gara.
Misioni i përmbushur për Napolin në Champions League. Në raundin e katërt të Grupit A, skuadra e Spallettit mposhti Ajax me rezultatin 4-2. Tani të kaltrit arrijnë aritmetikisht kalimin për në 1/8, duke mbetur në krye të grupit me pikë të plota. Në Maradona një tjetër provë e madhe për të besuarit e Spalletti. Në pjesën e parë Lozano (4′) zhbllokoi ndeshjen me një prekje të lehtë me kokë. Pastaj Raspadori (16′) dyfishoi rezultatin me një silurë në kryqëzimin e shtyllave.
Lexo më tej: Video/ “Askush nuk i do?”: Napoli i mposhti në fushë, Ajax refuzoi shkëmbimin e fanellave
Në pjesën e dytë, Klaassen (49′) shkurtoi distancën me një goditje me kokë, duke iluzionuar holandezët. Kvaratskhelia (62′) firmosi trisin nga pika e bardhë, duke vendosur rezultatin në siguri. Ajax frikësoi edhe njëherë me penalltinë e Bergwijn (83′), por pokeri i Osimhen (90′) mbajti larg cdo rrezik të mundshëm.