Dy vëllezër në Berat janë arrestuar ditën e sotme. Mësohet se F. H., 33 vjeç dhe A. H., 30 vjeç banues Dimal, janë vënë në pranga pasi akuzohen se kanë tentuar të marrin peng një 15-vjeçar. Ngjarja ka ndodhur në fshatin Drenovicë. Ata morën me forcë dhe me vetëgjyqësi, në automjetin e tyre 15-vjeçarin sepse dyshonin se kishte vjedhur një shumë parash në banesën e tyre, dy ditë më parë. Ndërkohë 15-vjeçari është proceduar për veprën penale “Vjedhja”.
Të ngjashme: Rrëmbimi i dy vëllezërve në Durrës, policia shpall në kërkim një nga autorët
Dimal/Berat
Vihen në pranga 2 shtetas (vëllezër), të cilët me vetëgjyqësi morën me forcë në automjet, një 15-vjeçar për të cilin dyshonin se u kishte vjedhur një shumë parash, në banesë.
Procedohet penalisht 15-vjeçari, për veprën penale “Vjedhja”. Nga specialistët e Seksionit për Hetimin e Krimeve, në Stacionin e Policisë Dimal, u bë arrestimi në flagrancë i shtetasve F. H., 33 vjeç dhe A. H., 30 vjeç (vëllezër), banues në Drenovicë, Dimal.
Arrestimi i tyre u bë pasi, në fshatin Drenovicë, Dimal, kanë marrë me forcë dhe me vetëgjyqësi, në automjetin e tyre, një 15-vjeçar, sepse dyshonin se kishte vjedhur një shumë parash, në banesën e tyre, në datën 10.10.2022. Materialet i kaluan Prokurorisë pranë Gjykatës së Rrethit Gjyqësor Berat, për veprime të mëtejshme.