Ka gjeste, sado të vogla që të jenë, që sjellin gjëra të mëdha me vete. Një pëlqim, një “like” i thjeshtë, për shembull. Një klikim që thotë se ku je, ku ndodhesh, me kë je. Ose të paktën kështu interpretohet pëlqimi i bërë nga Lionel Messi në postimin e Lautaro Martinez.
Mbrëmë Lautaro Martinez pas natës së madhe, të tij dhe të Interit, postoi një mesazh në Instagram në Camp Nou: “Zemër, personalitet, përulësi #forzainter”. Postimi mori vëmendje të madhe dhe pëlqimet e ish-shokut të skuadrës Achraf Hakimi, apo ish-klubit të Toros, Racing Avellaneda. Por mes reagimeve të figurave të njohur është edhe një që nuk i ka pëlqyer fare njerëzve në Barcelonë. Madje i ka goditur edhe më shumë se 3-3 me zikaltrit.
Lexo më tej: Barcelonës nuk i del inati, kundër Celta Vigo tifozët në kor në Camp Nou: “Inter ik q*u”
View this post on Instagram
‘LIKE’ I MESSI — Një nga ata që e pëlqeu ishte Leo Messi. Shok në ekipin kombëtar me Lautaro, por edhe ish-simboli i Barcelonës, e nervozuar nga barazimi me Inter. Leo mund të heshtte. Mund t’i shkruante Lautaros privatisht. Por zgjodhi t’i bënte publike mendimet e tij, të cilat u bënë menjëherë virale. Zërat për një rikthim të mundshëm të Messi te Barça kanë marrë një goditje të fortë. Messi është me Martinez, me gjithë respektin për një të kaluar të afërt, sentimentale dhe të lavdishme. Tifozëve “culé” ai ‘like’ i ka lënduar. Me Europa League që afrohet rrezikshëm, për të dytin vit radhazi, blaugranat kanë pësuar me dhimbje pozicionimin e atij që e çoi Barcelonën drejt fitimit të 4 Champions në 10 vjet.