Presidenti Xi Jinping hapi Kongresin XX Kombëtar të Partisë Komuniste. Ky kongres duhet t’i japë atij një mandat të tretë të paprecedentë në krye të partisë. Ai mbrojti strategjinë e tij të diskutueshme të zero-Covid, ndërsa nuk përjashtoi edhe përdorimin e forcës për Tajvanin.
“Zero-Covid ishte një luftë e gjithë njerëzve për të ndaluar përhapjen e virusit”, tha ai.
Pekini ka rënë nën masa të rrepta sigurie përpara kongresit, duke shkaktuar zhgënjim në qytet me një protestë të rrallë dhe dramatike publike të enjten duke kritikuar zotin Xi dhe zero Covid.
Çështja e Tajvanit
Xi gjithashtu trajtoi çështjen e Tajvanit, të cilin Kina e pretendon si pjesë të territorit të saj. Tajvani vetëqeverisës e sheh veten të veçantë nga kontinenti.
Ai tha se Pekini “nuk do të premtojë kurrë të heqë dorë nga përdorimi i forcës” dhe se “ribashkimi i plotë i vendit tonë duhet dhe do të realizohet”, çka shkaktoi duartrokitje të vazhdueshme nga delegatët.
Në Hong Kong, Xi Jinping tha se Pekini kishte ushtruar kontroll atje, duke e kthyer situatën nga “kaos në qeverisje”. Pekini vendosi një ligj gjithëpërfshirës të sigurisë kombëtare në territor pas demonstratave pro-demokracisë në vitin 2019.
Xi Jinping drejt mandatit të tretë
Xi gjithashtu iu referua ndarjeve brenda institucionit politik të Kinës. Ai tha se sundimi i tij kishte “hequr rreziqet serioze të fshehura në parti”. Që kur arriti në postin e lartë, ai ka mbikëqyrur një goditje të gjerë korrupsioni që shtrihet në nivelet më të larta të partisë. Por kritikët e kanë portretizuar atë si një spastrim politik. Ai shtoi gjithashtu se Kina do të përshpejtojë ndërtimin e ushtrisë së saj.
Fjalimi, i cili zgjati më pak se 2 orë, ishte më i shkurtër se ai në kongresin e 2017-ë. Një mandat i tretë si udhëheqës i Partisë Komuniste Kineze (PKK) do t’i hapë rrugën atij për t’u bërë lideri më i fuqishëm që nga Mao Ce Duni. Rreth 2,300 delegatë janë mbledhur për të zgjedhur drejtuesit e partive dhe për të debatuar politikat kryesore.