Një tjetër futbollist në shënjestrën e hajdutëve. Frikë e madhe është përjetuar në shtëpinë e Theo Hernandez, në Cassano Magnago, në provincën e Varese. Vila e mbrojtësit të Milanit ishte objektivi i katër personave të armatosur me fytyra të mbuluara. Sipas rikonstruktimit, ata u ngjitën mbi gardh mbrëmë dhe grabitën shtëpinë e francezit. Mallrat e vjedhura ende duhet të llogariten, por në vazhgimin e parë janë mijëra euro vlerë.
Në momentin e grabitjes lojtari sapo ishte larguar. Në shtëpi gjendeshin partnerja e tij Zoe Cristofoli, djali gjashtë muajsh Theo Junior dhe disa ndihmëse shtëpiake. Sipas një rindërtimi fillestar, sapo hynë brenda banditët sulmuan influencuesen, e shtynë dhe intimiduan, duke e detyruar të hapte kasafortën.
Hetimet i janë besuar karabinierëve, të koordinuar nga Prokurori Publik i Busto Arsizio (Varese), që kanë mbledhur dëshminë e partneres së Theo Hernandez. Agjentët po analizojnë pamjet e kamerave të vëzhgimit për të tentuar të identifikojnë grabitësit. Gjithashtu, sipas konstatimeve të para, plani i kriminelëve ka qenë i organizuar mirë. Me shumë mundësi ata kanë pritur derisa gruaja të jetë vetëm në shtëpi para se të vepronin.