Fitore për Barcelonën dhe Atletico Madrid në javën e 11 të La Liga. Blaugranat dërrmues me 4-0 në shtëpinë e Athletic Bilbao dhe tani Real Madrid kryesues është tre pikë larg. Golat e Dembele, Sergi Roberto, Lewandowski dhe Torres vendosën ndeshjen. Për Colchoneros, sukses 2-1 në fushën e Betis Sevilla. Super Griezmann autor i një dygolëshi i dhuroi tre pikët Simeones. Villarreal fitoi gjithashtu 2-1 ndaj Almerias, Espanyol-Elche dhe Girona-Osasuna përfunduan në barazim.
BETIS SEVILLA-ATLETICO MADRID 1-2
Goditje e rëndësishme e Atletico Madrid fitues në Sevilje dhe tani në vendin e tretë të renditjes. Simeone nxjerr kështu andaluzianët nga zona e Champions League falë dygolëshit të Griezmann. Betis insistoi që në fillim dhe u duket se përpjekjet e tyre do të materializohen në fillimin e pjesës së dytë. Por avantazhi i Luiz Henrique u anulua nga VAR për pozicion jashtë loje të Iglesias. Pasi i shpëtoi rrezikut, Atletico goditi me Griezmann në minutën e 54-të. Askush nuk e preku goditjen e këndit të francezit, trajektorja e të cilit përfundon në rrjetë. Kaloi më pak se çerek ore dhe Griezmann shënoi sërish pas një aksioni të shkëlqyer të Colchoneros. Goditja e lirë e Fekir, pesë minuta nga fundi, shkurtoi diferencën, por shpresat për një rikthim të jashtëzakonshëm u përplasën në traversën e Morenos në shtesë.
ESPANYOL-ELCHE 2-2
Një pikë shpëtimi për Elche që mbetet e fundit në renditje, por të paktën arriti të dalë e padëmtuar nga fusha e Espanyol. Ishin miqtë që kaluan në epërsi me Milla në minutën e 11′. Barazimi ishte pothuajse i menjëhershëm i Puados në të 24′. Braithwaite përfundoi rikthimin katalanas në minutën e 67-të, kur në fushë ishte futur edhe Bare. Por në minutën e 82-të erdhi 2-2 i papritur nga Verdu. Espanyol është gjithmonë në mes të tabelës.
BARCELLONA-ATHLETIC BILBAO 4-0
Barcelona mbetet në vazhdën e Real Madrid dhe e bën këtë me një provë shkatërruese ndaj Athletic Bilbao. Blaugranat janë gjithmonë -3 prapa kryesuesve Blancos. Fitore dërrmuese e skuadrës së Xavi, me ndeshjen që në fakt përfundoi pas vetëm 22 minutash. Dembelè zhbllokoi takimin në të 12′, Sergi Roberto dyfishoi në të 18′, ndërsa katër minuta më vonë Lewandowski bëri tris. Baskët të shtangur dhe në mëshirën e kundërshtarëve byj bënë dot asgjë. Në pjesën e dytë administrim i zakonshëm për djemtë e Xavit dhe në minutën e 74-të erdhi edhe pokeri i Torres. Bilbao, megjithatë, mbetet në vendin e gjashtë në zonën e Evropës.
VILLARREAL-ALMERIA 2-1
Ndodh gjithçka në Estadio della Ceramica, me Villarreal që arrin të përmbysë rezultatin në sekondën e fundit, pavarësisht një lojtari mangut. Në fakt, Almeria kaloi në avantazh me Meleron në minutën e 31-të, ndërsa golin e barazimit e shënoi Baena në minutën e 56-të. Vetëm një minutë më vonë ishte vetë Baena që mori kartonin e dytë të verdhë dhe la ekipin e tij me dhjetë lojtarë. Momente të trazuara, sepse edhe Morlanes u përjashtua nga pankina. Vendasit nuk u shpërbënë dhe gjithsesi nisën sulmin përfundimtar. Në minutën e 94-të mbërriti goli i pashpresuar i ndeshjes nga Jackson, i servirur në mënyrë perfekte nga Parejo.
GIRONA-OSASUNA 1-1
Përgjigje e kundërpërgjigje Barja-Lopez në fund të pjesës së parë, me avantazhin e miqve në minutën e 37-të dhe barazimin e menjëhershëm të vendësve. Girona dhe Osasuna marrin kështu nga një pikë. Katalanasit pozicionohen në vendin e katërt nga fundi, ndërsa skuadra e Pamplona vazhdon të ndjekë zonën e Evropës në vendin e tetë.
LaLiga Santander Spain
Espanyol 2-2 Elche
Real Betis 1-2 Atletico Madrid
Girona 1-1 Osasuna
Villarreal 2-1 Almeria
Barcelona 4-0 Athletic Bilbao