Dietrich Mateschitz, themeluesi i perandorisë Red Bull, ndërroi jetë në moshën shtatëdhjetë e tetë vjeçare. Një njeri vizionar që krijoi edhe skuderinë Red Bull që po dominon Botërorin e Formula 1 me Max Verstappen. Austriakët, përvec se fituan vitin e kaluar me pilotin holandez, dominuan edhe për katër vite rresht (nga 2010 deri në 2013) me Sebastian Vettel. Sipërmarrësi dhe dashamirësi i sportit, Mateschitz ishte i sëmurë rëndë prej disa kohësh.
Nuk ishte vetëm bota e motorëve fusha sportive, në të cilën Mateschitz shënjoi thellësisht dy dekadat e para të shekullit XXI. Edhe sportet amerikane, futbolli e mbi të gjitha sportet në natyrë (ato ekstreme, në radhë të parë) arritën majat e popullaritetit nën flamurin e Red Bull.
Lexo më tej: F1/ Red Bull blindon Verstappen me shifrën e çmendur: 40 milionë euro në vit deri në 2028
Themelimi i ekipit të Formula 1 daton në vitin 2004, njëzet vjet pas lindjes së pijes energjike me të njëjtin emër. Mateschitz, një personazh karizmatik, bleu për shumën simbolike prej një dollari ekipin Jaguar. Pastaj hyri në F1 vitin e ardhshëm si Red Bull Racing. David Coulthard, Christian Klien dhe italiani Vitantonio Liuzzi, ishin pilotët e parë të RB. Një aventurë që me Christian Horner, Adrian Newey dhe “guru” Helmut Marko, sfiduan emrat e mëdhenj të Kampionatit. Pastaj për të kompletuar “Dream Team” mbërriti Sebastian Vettel, piloti i parë që u zbulua dhe u promovua nga akademia.
We are saddened to hear of the death of Dietrich Mateschitz
The co-founder of Red Bull made an unforgettable contribution to F1, and leaves a lasting legacy pic.twitter.com/ZuBxwY5CzS
— Formula 1 (@F1) October 22, 2022