• |
ide | kryesore

Po mblidhte ullinj, por rrëzohet nga pema, ndërron jetë 65-vjeçari në Vlorë

-Instant, Arkiva, Lajme, Të fundit

Një 65-vjeçar ka humbur jetën këtë të shtunë në Vlorë teksa mblidhte ullinj, pasi aksidentalisht është rrëzuar nga pema. Policia bën me dije se një incident i ka ndodhur edhe punonjësit të gjelbërimit në qytet, teksa krasiste pemët, ku është rrëzuar dhe ndodhet në gjendje të rëndë në spital.


Vlorë/Informacion paraprak


Paraditen e sotme, në fshatin Bestrovë, Vlorë, dyshohet se duke mbledhur ullinj është rrëzuar aksidentalisht nga pema, shtetasi L. V., rreth 65 vjeç, i cili ka ndërruar jetë.

Po sot, në lagjen “Pavarsia”, Vlorë, dyshohet se duke krasitur pemët, është rrëzuar aksidentalisht nga pema, punonjësi i gjelbërimit, shtetasi E. H., 58 vjeç, i cili aktualisht ndodhet në spitalin e Vlorës, nën kujdesin e mjekëve.

Grupi hetimor po punon për zbardhjen e plotë të rrethanave, për të dyja ngjarjet.


Lini një Përgjigje

Adresa juaj email s’do të bëhet publike.