Tunizia mund të përjashtohet nga Katar 2022 për shkak të ndërhyrjes së qeverisë në çështjet e futbollit. Lajmin e ka bërë të ditur BBC, duke shpjeguar detajet e rastit të ri që po ndez vigjiljen e Kupës së Botës. FIFA ka lëvizur menjëherë pas frazave të ministrit tunizian të Rinisë dhe Sportit Kamel Deguiche për mbylljen e mundshme të zyrave federale. Hipotezë në kontrast të plotë me rregullat e diktuara nga organi më i lartë i futbollit botëror, për të cilin federatat e lidhura duhet të jenë të lira nga ndërhyrjet ligjore dhe politike.
Liri që qeveria tuniziane do të duket se e minon me qëndrimet e fundit, duke vënë në rrezik pjesëmarrjen në Kupën e Botës. Një përjashtim për të cilin ende nuk është marrë një vendim zyrtar dhe për të cilin priten zhvillime së shpejti. Madje, për të sqaruar situatën, FIFA i kërkoi FTF-së sqarime, duke lëshuar një paralajmërim. Mesazh që e përcolli me një letër dërguar sekretarit të përgjithshëm Wajdi Aouadi.
AKUZAT E TJERA
Një problem i ndërlikuar për t’u menaxhuar për Federatën Tuniziane. Mbi të, kohët e fundit, rëndon edhe akuza e një klubi vendas se ka mashtruar me vetëdije Gjykatën e Arbitrazhit Sportiv në prill 2021. Në këto raste precedentët nuk paralajmërojnë për mirë. Për raste të tjera të ndërhyrjes së qeverisë në futboll, këtë vit FIFA ka skualifikuar tashmë Kenian, Zimbabven dhe Indinë. Ato u ndaluan në gusht për shkak të “ndikimit të panevojshëm nga palët e treta”.
Ndërhyrje që edhe në Tunizi po nxisin frikën në lidhje me fillimin e afërt të Botërorit në Katar. Kombëtarja e Jalel Kadrit është përfshirë në Grupin D së bashku me Danimarkën, Australinë dhe Francën. Muajt e fundit, ministri i Sportit i ka kërkuar faktikisht FTF-së shtyrjen e kampionatit kombëtar. Duke futur madje duart edhe në datat e fillimit të sezonit. Kërkesa që tashmë mjaftojnë për të folur për “ndërhyrje politike” dhe masat e mundshme të FIFA-s.