Java e 13 e Bundesligës befasohet nga triumfi i Bayer Leverkusen ndaj Union Berlin. Rezultati përfundimtar është 5-0 dhe kryeqytetasit braktisin kreun e renditjes. Gjithçka ndodhi në pjesën e dytë, pas 45 minutave në ekuilibër. Andrich zhbllokoi ndeshjen në minutën e 46’. Më pas, brenda dy minutave, mes të 56’ dhe 58’ Diaby shënoi dygolëshin e tij personal. Në minutën e 68’ Hlozek firmosi pokerin dhe mbylli llogaritë Bakker në të 76’. Leverkusen rikthehet të buzëqeshë, ndërsa skuadra e Fischer humbi vendin e parë të renditjes, tani pronë e Bayern Mynih.
Lexo më tej:Video/ Bayern vuan me Hertha Berlin, por kthehet në krye në pritje të Union: tris i Dortmund
Fitore thelbësore për Leverkusen ndaj ish-kryesuesve tanimë Union Berlin. Në BayArena, skuadra e Fischer shembet 5-0 dhe përshëndet kryesimin e kampionatit. Formacionet nuk krijuan shumë mundësi në pjesën e parë të ndeshjes, duke mos i bërë keq njëri-tjetrit. Rifillimi i Aspirinave ishte tronditës. Bayer gjeti avantazhin në minutën e 46-të me Andrich. Berlinezët e ndjenë goditjen dhe vuajtën për të gjetur reagimin e nevojshëm për barazimin. Leverkusen shtyu edhe më fort dhe siguroi rezultatin. Në të 56′ dhe 58′ Diaby shënoi dygolëshin që praktikisht vrau ndeshjen. Nga aty u bë një monolog për formacionin e Xabi Alonso, që në të 68′ gjeti pokerin me golin me thembër të Hlozek. Vulosi rezultatin më pas Bakker, që u koordinua në mënyrë perfekte për golin e pestë. Në BayArena përfundoi 5-0. Leverkusen shënoi me katër golashënues të ndryshëm dhe largohet nga zona “e kuqe” e kampionatit.