Mision i përmbushur me ndonjë frikë të tepërt për Francesco Bagnaia. Piloti italian në Valencia u shpall kampion bote në MotoGP me Ducatin e tij. Bagnaia bëhet kështu piloti i parë italian që shpallet kampion bote 13 vjet pas titullit të nëntë dhe të fundit botëror të Valentino Rossi në 2009. Siguria e rezultatit përfundimtar erdhi me vendin e nëntë në aktin e fundit të sezonit. Rivali i tij Fabio Quartarararo u rendit i katërti, por duhej të kishte fituar. Sukses që e mori Alex Rins në garën e lamtumirës të Suzukit, duke u renditur para KTM së Brad Binder dhe Ducati të Jorge Martini.
Francesco Bagnaia është kampion i botës në MotoGP në fund të një prej garave më të komplikuara të sezonit të tij. Gara e fundit në Valencia është më e ëmbla ndonjëherë për italianin. Bagnaia, duke pasur parasysh vendin e katërt të Quartararos, rrëmbeu titullin botëror. Lumturi dhe shumë emocion për pilotin italian që e komentoi arritjen: “Bagnaia kampion bote, tingëllon mirë”.
Lexo më tej: MotoGP/ Triumf i Bagnaia në Malejzi, Quartararo nuk e lë të festojë titullin: Valencia vendimtare për Botërorin
FJALËT E KAMPIONIT
“Ishte gara më e vështirë e jetës dhe e karrierës sime. Doja të përfundoja në pesë të parët, por vuajta shumë dhe motori ishte i pamundur të kontrollohej. E rëndësishme është që unë jam kampion, është një ditë e pabesueshme. Jam shumë i lumtur”, tha kampioni i ri.
Bagnaia më pas shtoi: “Emocion unik, ne punuam shumë për të arritur këtë, për të qenë kampionë. Nuk e kuptoj, është e pabesueshme dhe është një nga emocionet më të bukura ndonjëherë. Ndoshta ishte një nga garat më të vështira ndonjëherë sepse po luftoja me Quartararon. Jam krenar që kam ardhur këtu me një diferencë për të qenë në gjendje për të përballuar atë që bëmë sot”.