• |
ide | kryesore

Pogba, rinovimi me United e Raiola: “Atë kontratë nuk do ia kishte dhënë ta firmoste as qeni”

-Instant, Sport
raiola

Paul Pogba, në orët e fundit, u ngjit në skenën e Golden Boy 2022 për t’i dorëzuar çmimin si Best European Player’s Agent menaxheres së tij, Rafaela Pimenta. Francezi, fituesi i Golden Boy 2013, ka informuar tifozët e shtypin për gjendjen e tij fizike. Por ka kujtuar edhe Mino Raiola, duke zbuluar një episod me protagonist edhe Sir Alex Ferguson.


Nisi me ceremoninë e dorëzimit të çmimit për Rafaela Pimenta. Mesfushori shpjegon se sa e rëndësishme është menaxherja e tij për të: “Rafaela Pimenta? Ajo është nëna ime e dytë dhe më ka dhënë shumë në karrierën time. Më bëri të kuptoj shumë gjëra në jetë dhe është një person shumë i rëndësishëm për mua dhe familjen time”. Nga menaxheri te gjendja e tij fizike. Francezi prej disa kohësh është ndalur për shkak të dëmtimit. Kur po rikuperohej, ditët e fundit, ai është ndalur sërish për një problem muskulor në kofshën e djathtë: “Si jam? Më mirë, le të themi mirë”.


KONTRATA E ‘QENIT’

Kampioni i botës më pas kujtoi ish-menaxherin Mino Raiola. Ai tregoi një anekdotë qesharake që daton disa vite më parë, në përvojën e tij të parë në Old Trafford: “Te Manchester United, isha 18 vjeç, e Ferguson donte që unë të nënshkruaja rinovimin. Mino erdhi me vonesë, unë isha me Rafa në krah dhe ai shikoi kontratën duke thënë ‘Pra ke firmosur?’ Ne i thamë jo. Mino më pas tha: ‘Këtë kontratë unë as qenit tim nuk do ia jepja ta nënshkruante. Paul, ngrihu dhe të ikim”.

Francezi, Rafaela Pimenta dhe Raiola braktisën Sir Alex Ferguson dhe u larguan: “Ne u larguam”, thotë Pogba dhe menaxherja shtoi: “Paul ishte shtatëmbëdhjetë vjeç, pa nga unë dhe tha ‘po ky është i çmendur'”. Pogba në fund tregon se ai dhe Mino shpesh ngacmoheshin me batuta me njëri-tjetrin: “Me Minon bënim shumë gjëra të tilla. Unë tallesha e i thosha ‘Hë, ke humbur kilogramë sot’. E ai përgjigjej ‘A ke ndryshuar tashmë parukier?'”.


Lini një Përgjigje

Adresa juaj email s’do të bëhet publike.