• |
ide | kryesore

Festë klandestine me lojtarët e Barcelonës: gazetari Martin i nxjerr ‘bojën’ Piqué pas lamtumirës

-Instant, Sport
Martin

Gerard Pique i ka dhënë zyrtarisht lamtumirën futbollit. Mbrojtësi luajti ndeshjen e tij të fundit gjatë fundjavës dhe përshëndeti tifozët e Camp Nou. Ndeshja e fundit, por jo vetëm. Spanjolli u largua me një polemikë të fundit. 35-vjeçari, pasi njoftoi tërheqjen e tij, bëri një festë klandestine me lojtarët e Barcelonës. Një festë që duhej të mbetej sekret, por që përfundoi në të gjitha gazetat falë gazetarit Martin.


Pique, sipas shtypit spanjoll, ka bërë një festë të madhe para ndeshjes kundër Almerias. Mbrëmja filloi rreth mesnatës, kur të gjithë lojtarët duhej të ishin në shtëpi. Blaugranat u gjendën në një klub nate të famshëm në Barcelonë dhe Gerard kishte menduar për gjithçka. Lokali u boshatis para se të vinin të ftuarit. Në fund të fundit, çdo festë klandestine kërkon privatësi. Megjithatë, të gjitha këto masa paraprake nuk ndihmuan.


Disa burime i kanë dhënë informacione dhe imazhe gazetarit Jordi Martin, i cili ka folur për këtë në Socialite TV. Pronarët e lokalit, shpjegon Martin, e kanë zbrazur ambjentin me një hile të thjeshtë. Ata u thanë të pranishmëve se duhej të braktisnin strukturën sepse instrumentet e DJ ishin dëmtuar dhe nuk mund t’i riparonin: “Kur klientët u larguan nga lokali, kush ishin aty gati për t’u futur? Lojtarët e Barcelonës”.

Festa sekrete është kthyer në një festë publike dhe nuk kanë munguar polemikat. Festa u zhvillua në një moment delikat për ekipin. Në fakt, Barça i tha lamtumirë një prej objektivave kryesore të sezonit, Champions League. Megjithatë, klubi nuk mori masa. Pique, në fund të fundit, është një legjendë Blaugrana dhe shoqëria ka vendosur që, për këtë herë, mund të mbyllë një sy.


Lini një Përgjigje

Adresa juaj email s’do të bëhet publike.