• |
ide | kryesore

Qarkullonte me armë zjarri, arrestohet 30-vjeçari në Elbasan

Lajme, Të fundit
elbasan, polici, armë zjarri



Në prangat e policisë së Elbasanit ka rënë shtetasi Emilian Hysa, 30 vjeç. Ai u arrestua pasi qarkullonte me armë zjarri dhe municion luftarak. Policia kishte marrë informacion për 30 vjeçarin dhe pas kësaj i ka ushtruar një kontroll e si rezultat ka sekuestruar një amë zjarri tip automatic dhe një krehër me fishekë.

Hysa akuzohet për veprën penale “Prodhimi dhe mbajtja pa leje e armëve luftarake dhe e municionit”.

Njoftimi i policisë:

Elbasan/Finalizohet operacioni policor i koduar “Reagimi”.
Qarkullonte me armë zjarri me vete, falë inteligjencës informative dhe reagimit në kohë, lokalizohet dhe vihet në pranga 30-vjeçari.
Sekuestrohen 1 armë zjarri automatik dhe 1 krehër me fishekë.
Shërbimet e Komisariatit të Policisë Elbasan, në vijim të punës për goditjen e veprimtarisë kriminale në fushën e armëmbajtjes pa leje, bazuar në inteligjencën informative se një shtetas po qarkullonte me armë zjarri, menjëherë kanë organizuar punën dhe në bashkëpunim me shërbimet e Forcës së Posaçme Operacionale, kanë finalizuar operacionin policor të koduar “Reagimi”.

Gjatë këtij operacioni u bë i mundur lokalizimi i shtetasit që qarkullonte me armë zjarri, në fshatin Muriqan, Elbasan. Falë ndërhyrjes profesionale, shërbimet e Policisë kapën në flagrancë shtetasin E. H.
Në cilësinë e provës materiale u sekuestruan arma e zjarrit automatik dhe municioni luftarak.
Në përfundim të veprimeve procedurale u bë arrestimi në flagrancë i shtetasit E. H., 30 vjeç, banues në Muriqan, Elbasan, për veprën penale “Prodhimi dhe mbajtja pa leje e armëve luftarake dhe e municionit”.

Materialet i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme.



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *