Një rikthim i mirëpritur për José Mourinho dhe Romën. Paulo Dybala në fakt është rikthyer në stërvitje me grupin. Argjentinasi mungon që nga 9 tetori kur u largua nga fusha i dëmtuar gjatë ndeshjes ndaj Lecce. Në fakt, rikthimi i Dybala ishte i pjesshëm. Mbetet për tu vlerësuar nëse “Joya” do të mund të luajë ndonjë pjesëz nga ndeshja e të dielës pasdite kundër Torinos, ndeshje e fundit e Serie A para pauzës së botërorit. Por, pikërisht në lidhje me takimin në Katar, për Dybala mbërriti lajmi më i pritur. Trajneri Scaloni e ka përfshirë në listën e 26 lojtarëve të Argjentinës.
Lexo më tej: Dybala, në garë me kohën për Katarin: rezonanca magnetike saktëson 4-6 javë jashtë fushave
Për argjentinasin ishte një rikthim gradual në pritje të grumbullimit, që duhet të kryejë të plotë. Megjithatë, përgjigjet e marra janë tashmë shumë pozitive dhe paralajmërojnë për mirë. Një lajm i mirë për verdhekuqtë, që pa yllin e tyre panë Romën të humbiste terren në renditje dhe të vuante në Europa League. Sa i përket Kupës së Botës, frika e madhe ka kaluar: Dybala në fakt do të jetë në Katar me Argjentinën e tij.
LISTA E SCALONI
Në listën e Scaloni, ku është përfshirë edhe Dybala, kapiten do të jetë Lionel Messi. Yjet e Juventusit, Angel Di Maria dhe Leandro Paredes po ashtu do të jenë pjesë e skuadrës. Nuk mungon dyshja sulmuese e Inter Lautaro Martinez dhe Joaquin Correa. Lojtarë të tjerë të njohur janë edhe: Rodrigo De Paul, Papu Gomez, Nahuel Molina, German Pezzella dhe Cristian Romero. Argjentina do të bëjë debutimin në Katari 2022 kundër Arabisë Saudite më 22 nëntor. Pastaj do të luajë me Meksikën dhe Poloninë.
#Qatar2022 El sueño ya comenzó 💪
Ésta es la lista de futbolistas que defenderán la camiseta de la Selección Argentina 🇦🇷#TodosJuntos pic.twitter.com/jwJ3hbzvf0
— Selección Argentina 🇦🇷 (@Argentina) November 11, 2022