• |
ide | kryesore

Lajmi i bujshëm i Sun: dy futbollistë të Premier League janë çift, shokët e klubi i mbështesin

-Instant, Sport
premier league

Bota po bën përparime të mëdha për sa i përket të drejtave LGBTQ+, edhe pse në disa pjesë të botës këto të drejta shpesh shkelen. Për sa i përket botës së futbollit, homoseksualiteti mbetet një tabu. Edhe pse në periudhën e fundit disa lojtarë kanë shprehur orientimin e tyre seksual. E ndërsa bota e futbollit përgatitet të emigrojë në Katar për Kupën e Botës, ku homoseksualiteti konsiderohet si krim, nga Anglia vjen lajmi i bujshëm. Në një ekip të Premier League dy lojtarë janë bërë çift i qëndrueshëm dhe ja kanë zbuluar shokëve të tyre dhe klubit. Lajmin e bujshëm e ka bërë të ditur Sun.


Siç raporton tabloidi anglez, dy lojtarët e Premier League në fjalë janë hapur me shokët dhe klubin, duke treguar se janë në një lidhje. Reagimi, sipas Sun ka qenë shumë pozitiv, me skuadrën dhe klubin që e kanë mbështetur çiftin. Një burim tha: “Ata nuk donin ta fshihnin nga shokët e tyre të skuadrës, pse duhej ta bënin? Askush në dhomat e zhveshjes nuk u shqetësua aspak nga kjo çështje. E të dy patën mbështetjen e plotë të trajnerit dhe drejtuesve. Megjithatë, ata kanë vendosur të mos dalin publikisht, edhe pse asnjëri prej tyre nuk ka turp ta bëjë këtë. E nuk është e thënë që herët a vonë nuk do të ndodhë”.


Dy lojtarët në fjalë nuk duan që një dalje e mundshme të largojë vëmendjen nga performanca e tyre në fushë. Ose që performanca e tyre të gjykohet në bazë të zgjedhjes së tyre të jetës. Ka mundësi që çifti të vendosë të heqë kapakun e lidhjes së tyre në fund të sezonit. Edhe pse deklarimi i hapur i homoseksualitetit në botën e futbollit është ende një problem.


Lini një Përgjigje

Adresa juaj email s’do të bëhet publike.