Presidenti francez Emmanuel Macron tha se është përgjegjësia e samitit të G20 për të dërguar një “mesazh shumë të qartë për të shmangur përshkallëzimin” mbi incidentin vdekjeprurës të raketave në Poloni, sipas CNN.
“Udhëheqësit globalë duhet të japin një mesazh shumë të qartë për të shmangur përshkallëzimin, për të mbrojtur paqen dhe për të shmangur përçarjen e botës,” u tha Macron gazetarëve nga samiti në Bali të mërkurën.
Sulmi me raketa në Poloninë lindore në kufirin e saj me Ukrainën të martën vrau dy persona, duke shënuar herën e parë që një vend i NATO-s goditet drejtpërdrejt gjatë konfliktit.
Macron tha se ai kishte folur gjithashtu me homologun e tij ukrainas, presidentin Volodymyr Zelensky dhe se midis 80 dhe 100 raketa ruse kishin shënjestruar strukturat civile në Ukrainë të martën gjatë breshërisë së fundit të sulmeve vdekjeprurëse të Moskës.
Ai shtoi se shpresonte që Kina “do të luante një rol më domethënës gjatë muajve të ardhshëm” në luftën në Ukrainë, pasi ai njoftoi synimin e tij për të vizituar Pekinin “në fillim të vitit 2023”.
Udhëheqësi kinez Xi Jinping shprehu dëshirën e tij për de-përshkallëzimin e situatës në Ukrainë, sipas presidentit francez.