Shefi Misionit i Bashkimit Evropian për Sundimin e Ligjit në Kosovë, EULEX, Lars Gunnar Wigemark, ka vizituar Mitrovicën e Veriut, ku ka takuar përfaqësuesit politikë, shoqërinë civile dhe njësinë policore të EULEX-it.
Sipas Wigemark situata e sigurisë në Veri është shumë e brishtë dhe banorët serb në këtë pjesë të Kosovës janë të frikësuar.
“Pas takimeve që kam pasur sot në Mitrovicën e Veriut me liderët politikë, shoqërinë civile dhe njësinë e formuar policore të EULEX-it, është e qartë se gjendja e sigurisë është shumë e brishtë dhe se njerëzit vendas janë të frikësuar. EULEX-i do të vazhdojë të monitorojë situatën dhe të gjithë duhet të tregojnë përmbajtje maksimale”, ka thënë kreu i EULEX-it në një postim në Twitter.
Ndryshe EULEX-i, përmes një njoftimi për media kishte bërë të ditur se Njësia Policore e Specializuar në kuadër të këtij misioni është përforcuar me një njësi rezervë prej 23 xhandarësh nga Karabinierët Italianë.
“Lista Serbe” vendosi të shtunën e 5 nëntorit që pjesëtarët e saj të largohen nga institucionet e Kosovës.
Kjo, pas një takimi të zhvilluar në mesditën e së shtunës në Zveçan. Serbët nuk do të kthehen në institucionet e Kosovës deri në momentin kur Qeveria e Kosovës do të tërheqë vendimin për targat dhe fillon formimin e Asociacionit për komunat me shumicë serbe.
Kryetari i Listës Serbe (njëkohësisht ministri për Komunitete dhe Kthim), Goran Rakiç, u dorëhoq nga pozita të cilën e ka drejtuar pak më shumë se një vjet e gjysmë.
Edhe Igor Simiç, i cili është deputet në radhët e Listës Serbe ka dhënë dorëheqje nga kjo pozitë. Serbët kanë vendosur që të largohen edhe nga gjyqësori, Policia, Dogana.
Mir bejne qe kane frik shkinat
Po pse kanë frikë.A i lurguan pasi morën urdhër nga Beogradi.Pastaj nga kush kanë frikë.Nga ndërkombëtarët jo nga shqiptarët jo e jo.
Deklarata e shefit te EULEX ne Kosove eshte boshe, pa sens, per te mos thene dashakeqe ndaj shqiptareve, te cilet u kane paguar serbeve edhe energjine elektrike qe harxhonin per vite me rradhe, u lane vende ne parlàment si askund tjeter, i integruan ne te gjitha institucionet, prej te cilave u larguan me vullnetin e tyre osé me urdher nga Beogradi.
Mos jane trembur nga Euleksi serbet e Kosoves ?
Ish punonjes te tij kane treguar edhe per korrupsioni te madh te kesaj agjensie, madje para médiave dhe jo shume kohe me pare.