Pas shpalljes së zgjedhjeve të jashtëzakonshme në veri të Kosovës, Komisioni Qendror i Zgjedhjeve ka miratuar planin e buxhetit për organizimin e këtyre zgjedhjeve. Mediet e Kosovës, bëjnë me dije se buxheti i aprovuar nga KQZ-ja kap vlerën e 556 mijë e 482 euro.
Lista Serbe ka njoftuar se nuk do të marrë pjesë në zgjedhjet për katër komunat. Ato janë: Mitrovicë e Veriut, Zveçan, Zubin Potok dhe Leposaviç. Kryetarët e këtyre komunave, që të gjithë nga Lista Serbe, dhanë dorëheqje më 5 nëntor.