Taksa “Kumbaro” në Divjakë, arrestohet një protestues

Një protestues 33-vjeçar është arrestuar nga policia pas protestës së djeshme në Divjakë kundër traut për parkun e zonës.

Policia thotë se ka arrestuar A. P., 33 vjeç, banues në Xeng dhe ka shpallur në kërkim 40-vjeçarin S. K., pasi kanë kryer veprime të dhunshme dhe si pasojë kanë thyer kabinën e vendosur në hyrje të parkut kombëtar të Divjakës.

Po ashtu, nisi hetimi në gjendje të lirë për protestuesit E. Sh., J. M., N. Gj., D. P. dhe L. Gj, njofton policia.

Protesta kundër traut në parkun kombëtar të Divjakës është tensionuar ditën e djeshme, ku banorët u përplasën edhe me policinë.

Ata thyen xhamat e kabinës, në të cilën ishte planifikuar që të mblidhej pagesa që do të kryenin banorët për të hyrë në parkun kombëtar të Divjakë-Karavastasë.