• |
ide | kryesore

Inter, mision në Doha për Marcus Thuram: duhen 10 milionë euro

-Instant, Sport
Thuram

Dy drejtuesit e Inter, Piero Ausilio dhe Javier Zanetti ndodhen në Doha për të ndjekur Kupën e Botës Katar 2022. Një rast për ta shfrytëzuar edhe për të kuptuar hapësirën e manovrimit për Marcus Thuram. Sulmuesi i Borussia Monchengladbach prej kohësh pëlqehet nga Inter. Ai ishte i zgjedhuri në 2021, para se të dëmtohej me zikaltrit që u kthyen te Correa. Çështja është se kontrata e tij skadon në qershor 2023, gjë që e bën objektiv të shumë klubeve. Bayern Mynih është rreziku kryesor, në merkaton e transferimeve të verës së ardhshme.


Dhe kjo është arsyeja pse zëvendëspresidenti dhe drejtori sportiv zikaltër duan të përshpejtojnë kohën. Në ditët në vijim, shpjegoi Gazzetta dello Sport, parashikohet mbërritja në Katar edhe e menaxherëve të djali të ish-lojtarit të Juventus, Lilian. Bayern Mynih i ofroi atij një marrëveshje pesëvjeçare, por duke filluar nga korriku. Vetë lojtari, nga ana e tij, ka paralajmëruar Monchengladbach se nuk do të rinovojë kontratën. Për këtë arsye, gjermanët do të dëgjonin çdo ofertë në janar. Ndoshta për një shifër, rreth 10 milionë euro, për të mos e humbur me parametër zero disa muaj më vonë.


Mbetet për të kuptuar mundësia ekonomike për të realizuar operacionin. Një investim i një kalibri të caktuar për arkën e Inter, duke qenë se do të realizohej në merkaton e riparimit. Por duke patur parasysh operacionet Gagliardini dhe Gosens, sigurisht që nuk do të ishte hera e parë. E pikërisht mesfushori dhe anësori mund të jenë kandidatët në dalje në janar, duke bërë të mundur shifrën për të arritur te Thuram.


Lini një Përgjigje

Adresa juaj email s’do të bëhet publike.