Juve dhe Milinkoviç-Savic nuk kanë qenë kurrë kaq afër. Mateja Kezman, menaxheri i mesfushorit të Lazio, arriti një marrëveshje totale për muajin korrik me Juventus. Pas disa takimesh, gjithçka u arrit mbi bazën e një kontrate me vlerë 6 milionë euro në sezon plus bonuse. Tani topi i kthehet klubit të Lazio, që sa më shumë të kalojë koha aq më pak fuqi ka. Kjo për faktin se kontrata e Milinkovic-Savic skadon më 30 qershor 2024 dhe këtë Kezman e ka të qartë.
Në fakt, Claudio Lotito nuk e ka mbyllur asnjëherë diskutimin për shitjen e 27-vjeçarit. Presidenti i Lazio ka kërkuar gjithmonë ato 100 milionët e famshme, që askush nuk ka dashur t’i paguajë. Një shifër që indirekt do të sugjeronte një përpjekje për të mos hequr dorë nga Milinkoviç. 18 muaj nga skadimi i kontratës, megjithatë, skenari mund të fillojë të ndryshojë. Madje në bisedimet mes Lazio dhe Kezman për rinovimin u fol për përfshirjen e një klauzole 40-50 milionë, brenda Italisë.
Lexo më tej: Milinkovic-Savic, në skadencë në 2024 dhe me premtimin e Lotitos: Juventus gati ta marrë në janar
Në këtë mënyrë, serbi përpiqet të ndërthurë dëshirën për të provuar një përvojë të re me mirënjohjen për klubin. Klauzola do të garantonte një shumë të arsyeshme në lidhje me skadimin e kontratës aktuale. E bëhet më e vlefshme nëse mendohet parametri zero në 2024. Në vend të kësaj, Lotito, i cili tani ka topin në dorë, nuk do të donte të shkonte nën 70 milionë.