Kryeministri Albin Kurti, ka shtyrë për 48 orë zbatimin e fazës së dytë të vendimit për riregjistrimin e makinave me targa ilegale serbe në RKS – Republika e Kosovës. Vendimin e ka marrë pas kërkesës së SHBA-së. Kurti ka falënderuar ambasadorin Hovenier për përkushtimin ndaj procesit të dialogut.
“Unë e pranoj kërkesën e tij për shtyrje prej 48 orë të fillimit të gjobitjes për targa ilegale ‘KM’ (dhe tjera). Jam i lumtur të punoj me SHBA-në dhe BE-në për të gjetur një zgjidhje gjatë dy ditëve të ardhshme”, ka shkruar Kurti në Tëitter.
Ambasadori amerikan në Kosovë, Jeffrey Hovenier, ka thënë se Shtetet e Bashkuara i kanë kërkuar Qeverisë së Kosovës shtyrje 48-orëshe të vendimit për shqiptimin e gjobave, për t’i lejuar zyrtarët evropianë dhe ata amerikanë që të angazhohen me Kosovën dhe Serbinë për të gjetur zgjidhje për këtë çështje.
Pas kësaj, Kurti ka thënë se është i gatshëm të punojë me SHBA-në dhe BE-në për të gjetur zgjidhje në dy ditët e ardhshme. Ndryshe, gjatë takimit të së hënës në Bruksel, Kosova ka propozuar që të pezullojë fazat e mëtutjeshme që kanë të bëjë me targat, në këmbim që Serbia më të mos lëshojë targa ilegale me akronime të qyteteve të Kosovës.
E po ashtu BE-ja të fillojë procesin e bisedimeve për propozimin e fundit të mbështetur nga Gjermania dhe Franca.
Por Bashkimi Evropian e ka hedhur poshtë duke kërkuar që Kosova të mos shqiptojë gjoba për targat ilegale dhe Serbia të mos prodhojë tabela të reja KM.
Propozimi i BE-së është refuzuar nga Kurti, ndërsa është përkrahur nga Vuçiç. / Rel
Vetem qendresa i zbyth sllavet.
Shikoni Ukrainen dhe deshtimin e Putinit.
Bravo Kryeministri Kurti!
Putin do te marri njohjen nderkombetare te krimese si pjese e Rusise e sigurte, por ai po lufton te marri dhe Dombasin.
Pra sado gjak te derdhet nga te dyja krahet , Putin nuk del i humbur nga ajo lufte.
Ai luajti bllofin dhe e ngriti steken shume lart ( te ndryshonte qeverine ne Kiev) . Por tani ai eshte me realist se kurre, dhe e di shume mire qe lufta do te perfundoje ne nje tavoline bisedimesh se sa ne terren.
Ideja eshte shume e qarte, ose do njohim Krimene si pjese e teritorit Rus ( ashtu ka qene historikisht) , ose do vazhdojme te derdhim gjak deri sa ukrainasi i fundit te vdesi. Ai tani luften po e ben me shume per Dombasin.
Ne keto baza behe krahasimin me Kosoven .