• |
ide | kryesore

Reagon BE: Në 6 dhjetor të garantohet siguria, por edhe e drejta e qytetarëve

-Instant, Arkiva, Lajme, Të fundit
6 dhjetor

Bashkimi Europian e konsideron protestën e thirrur nga opozita në 6 dhjetor si një ushtrim i lirive të ligjshme të qytetarëve, që duhet të respektohet nga autoritetet pavarësisht se në të njëjtën ditë zhvillohet në Tiranë samiti BE-Ballkani Perëndimor.


Në përgjigje të interesit të A2 CNN, që pyeti Delegacionin e Bashkimit Europian në Tiranë mbi zhvillimin njëkohësisht në 6 dhjetor të këtyre dy aktiviteteve, përfaqësuesit e Brukselit shpjeguan se presin garantimin e sigurisë së samitit nga autoritetet shqiptare, duke respektuar njëkohësisht protestën e opozitës.


“Kjo është hera e parë që samiti BE-Ballkani Perëndimor mbahet në rajon, duke i dërguar një mesazh të fortë Shqipërisë dhe gjithë Ballkanit Perëndimor për rëndësinë e tyre gjeostrategjike për BE-në. Ne kemi besim se, si mikpritës, autoritetet publike shqiptare do të sigurojnë zhvillimin e sigurt dhe të rregullt të samitit, duke respektuar ushtrimin e ligjshëm të lirive nga qytetarët” – thuhet në reagimin e Delegacionit të Bashkimit Europian.

Pasditen e së premtes u mësua se policia “nuk dha leje” për zhvillimin e protestës së thirrur më 6 dhjetor para Kryeministrisë. Në një letër që kreu i policisë së Tiranës, Lorenc Panganika i drejtoi PD-së thuhet se ajo “cenon sigurinë” për shkak të mbajtjes së samitit të BE-së.

Mazhoranca socialiste ka akuzuar opozitën se me këtë protestë po cenon interesat e vendit dhe sigurinë e samitit mes Bashkimit Europian dhe vendeve të Ballkanit Perëndimor, duke shkelur edhe zakonet shqiptare të mikpritjes. Ndërsa opozita ka garantuar se protesta do të jetë paqësore, me fokus kundër qeverisë, jo miqve europianë.


5 Comments

  1. Ai ka mësuar aq nga politika 32 vjeçare e viteve të fundit se pushteti nuk merret me dhunë. E ka provuar disa herë, sidomos në shtator 1998, dhe çfarë ka pështyrë në drekë, e ka lëpirë në darkë, duke e mbushur selinë e vjetër të tij me metingashë të armatosur.bravo lapsi kete po ben dhe qeveria sigurine dhe protesten e salih metaj,por atje ku thote policia o shpellkare e cecene

  2. Ti langaraq 14:18
    Vetem nese me “qytetar” nenkupton kriminele,drogaxhinj dhe pushta,atehere ke te drejte.

Lini një Përgjigje

Adresa juaj email s’do të bëhet publike.