• |
ide | kryesore

Video/ Messi e Fernandez shkundin Argjentinën: mposhtet Meksika e 1/8 në shënjestër

-Instant, F1, Sport, Video
Fernandez

Argjentina ringre kokën në Kupën e Botës 2022. Pas gabimit të bujshëm me Arabinë Saudite në debutimin e tyre, skuadra e Scaloni mposht Meksikën 2-0. Albiceleste rikthehet kështu në rrugën e duhur për të fituar një vend në raundin e 16 më të mirëve. Me shumë agresivitet dhe pak saktësi, pjesa e parë në stadiumin Lusail u mbyll pa asnjë goditje në portë nga Argjentina. Më pas në pjesën e dytë Messi (64′) zhbllokoi ndeshjen me një goditje me të majtën nga distanca. Tre minuta nga fundi, Fernandez (87′) e vendos rezultatin në kasafortë me një të djathtë të harkuar.


Leo Messi ringjalli Argjentinën dhe e vendosi kombëtaren e tij në rrugën drejt raundit të 1/8. Seleccion tani duhet të fitojë kualifikimin për në raundin tjetër kundër Polonisë të mërkurën. Fitorja 2-0 kundër Meksikës i largoi fantazmat që rrinin pezull mbi kokat e të besuarve të Scaloni pas humbjes kundër Arabisë Saudite. Merita është e gjitha e yllit të PSG-së që nxori nga balta e 0-0 skuadrën bardhekaltër. Argjentina është ai, shtatë herë fituesi i Topit të Artë, i cili i shërbeu edhe Enzo Fernandez topin për të bërë 2-0. Më shumë se kaq…


Lexo më tej: Video/ Szczesny heroi i Polonisë, Lewandowski goli i parë në një Botëror: 2-0 ndaj Arabisë Saudite e lojërat të hapura

Sa i përket Messit, goli kundër Meksikës është i teti në një kampionat botëror. Pleshti barazon kështu Diego Armando Maradona, vetëm një ditë pas përvjetorit të dytë të vdekjes së Pibe de Oro. Me fanellën e Argjentinës tani vetëm Batistuta është përpara tij, në vendin e parë, me dhjetë gola të shënuar.


Lini një Përgjigje

Adresa juaj email s’do të bëhet publike.