• |
ide | kryesore

Gjermania, “turpërimi” është një ndeshje larg: Spanja mund të eliminojë një pretendent që në grup

-Instant, F1, Sport
Gjermania

Dy peshat e rënda të Europës e kanë nisur fushatën e tyre të Kupës së Botës në të kundërt. Dështimi i Gjermanisë me Japoninë e ka bërë përplasjen e stadiumit Al Bayt vendimtare. La Roja ishte e ekzagjeruar me një 7-0 kundër Kosta Rikës, që lë pak vend për diskutime. Suksesi më i madh ndonjëherë në Kupën e Botës për iberikët. Katër vjet pas daljes poshtëruese të fazës së grupeve në Kupën e Botës në Rusi, Gjermania është në rrezik të një tjetër largimi të turpshëm.


GJERMANIA

Panzerat e Hansi Flick pasuan një nga humbjet më të sikletshme në skenën më të madhe të botës. E renditur e 10-ta në botë nga FIFA, gjermanët e Flick kanë fituar vetëm dy nga nëntë ndeshjet e fundit ndërkombëtare në të gjitha garat. Tekniku ka konstatuar se skuadra e tij “është nën presion” dhe shpresat për të fituar një titull të pestë botëror duken një mision gati i pamundur. Gjermania, më tepër duhet të evitojë humbjen e dytë radhazi në fazën e grupeve, në të njëjtin turne të Kupës së Botës, për herë të parë në histori. Kthimi te fitorja mund të hapë skenarë të rinj për kombëtaren e Flick. Çështja është se ata kanë fituar vetëm një nga shtatë takimet e fundit me Spanjën gjatë një periudhe 19-vjeçare, edhe ajo në miqësoren e 2014 1-0. Panzerat nuk kanë fituar një përballje konkurruese kundër La Roja që nga një suksesi 2-0 në Euro 1988. Sidoqoftë, Gjermania duhet të mundë Spanjën nëse dëshiron të shmangë eliminimin e dytë radhazi në fazën e grupeve në Kupën e Botës.


SPANJA

Për herë të parë që nga viti 2006, Spanja arriti të fitojë ndeshjen e saj hapëse në Kupën e Botës. Skuadra e Luis Enrique e bëri me stil, duke treguar një diferencë të dukshme, me një zotërim topi 81.9%. Më i larti që kur Opta regjistroi për herë të parë statistikat për Kupën e Botës në vitin 1966. Gjermania natyrisht nuk është Kosta Rika. Por 6-0 kundër Die Mannschaft në Ligën e Kombeve, në përballjen e tyre të fundit dy vjet më parë, është një paralajmërim i qartë. Flick nuk ka gjasa të bëjë shumë ndryshime në formacionin e tij fillestar. Një katërshe mbrojtëse me Niklas Sule, Antonio Rudiger, Nico Schlotterbeck dhe David Raum, që do të mbeten të paprekur përpara Manuel Neuer. Mesfushori Gundogan do të shpresojë të mbajë vendin e tij në qendër të mesfushës së bashku me Joshua Kimmich. Lojtari i Man City mund të bëhet lojtari i parë që nga Miroslav Klose në 2002 që shënon në dy ndeshjet e para të Gjermanisë në një Kupë Bote. Kai Havertz vuajti në debutim dhe pozicioni i tij mund të kërcënohet nga Karim Adeyemi, Niclas Fullkrug dhe Youssoufa Moukoko.

Lexo më tej: Flick shfajëson veten e akuzon Sule: “Niklas duhet të ketë kujdes”

FORMACIONET

Formacioni i mundshëm i Spanjës:
Simon; Azpilicueta, Rodri, Laporte, Alba; Pedri, Busquets, Gavi; F. Torres, Asensio, Olmo

Formacioni i mundshëm i Gjermanisë:
Neuer; Sule, Rudiger, Schlotterbeck, Raum; Kimmich, Gundogan; Gnabry, Muller, Musiala; Havertz


Lini një Përgjigje

Adresa juaj email s’do të bëhet publike.