Rikthime dhe kundërparakalime të vazhdueshme në ndeshjen mes Koresë së Jugut dhe Ganës për grupin H të Botërorit 2022. Në fund ishte skuadra afrikane që fitoi 3-2 duke marrë fitoren e parë në Katar, ndërsa aziatikët mbeten me një pikë. Avantazhi i dyfishtë i Ganës me Salisu dhe Kudus në pjesën e parë, mori përgjigjen me dygolëshin e Cho brenda tre minutave mes të 58’ e 61’. Vetëm se llogaritë i mbylli Kudus, me sulmin final të Son dhe shokëve të tij të kotë.
I riu Kudus, i lindur në vitin 2000, është ylli i Koresë së Jugut-Gana. Ndërsa të gjithë prisnin Son, talenti i Ajax nënshkroi një dygolësh që udhëheq të tijtë në fitoren 3-2 ndaj aziatikëve. Tre pikët e para në Katar për Yjet e Zinj. Koreja, nga ana tjetër, ndalet vetëm në një pikë dhe 1/8 bëhet e vështirë. Pjesa e parë në stilin afrikan me Ganën që kaloi 2-0 në hapësirën e dhjetë minutave. Dygolësh fantatik i nënshkruar nga Salisu dhe Kudus midis 24 ‘dhe 34’. Mbrojtësi u tregua i aftë të zgjidhte një rrëmujë në zonën e vogël koreane. Sulmuesi pastaj goditi me kokë duke mposhtur portierin kundërshtar, në krosimin e Jordan Ayeë. Gana cinike me dy goditje dhe dy gola, Koreja e zbehur dhe asnjëherë e rrezikshme.
CHO E KUDUS “VODHËN” SKENËN
Pas intervalit, megjithatë, formacioni i Bentos doli i transformuar nga dhomat e zhveshjes. Son nuk bindi, kështu që Cho u bë protagonist i madh. Fillimisht me golin që ngushtoi diferencën në minutën e 58. E pastaj, pas vetëm tre minutash, barazoi 2-2 me një goditje potente me kokë. Gjithçka duhet të ribëhej nga e para për Ganën, por kombëtarja afrikane nuk u dorëzua. Në minutën e 67 Williams filtroi topin për Kudus që shënon dygolëshin personal për avantazhin e ri ganez. Koreja nxitoi përpara për të barazuar. Ofensiva e 10 minutave të fundit nuk e shembi murin ganez. E tani raundi i 16 më të mirëve bëhet një ëndërr e mundshme.