Një 38-vjeçar është shpallur në kërkim nga policia e Vlorës. Kjo pasi ditën e djeshme ka përplasur me automjetin e tij një këmbësore dhe është larguar.
Policia bën me dije se qytetarja me inicialet M.S 46 vjeçe ndodhet në spitalin e Vlorës duke marrë trajtim mjekësor.
Njoftimi i policisë:
DVP Vlorë
Specialistët e Qarkullimit Rrugor në DVP Vlorë referuan materialet në Prokurori dhe bënë shpalljen në kërkim të shtetasit E. Y., 38 vjeç, banues në Vlorë, pasi dyshohet se ditën e djeshme, në vendin e quajtur “Bishti i Kalldrëmit”, duke drejtuar automjetin tip “Ford” ka aksidentuar këmbësoren, shtetasen M. S., 46 vjeçe, e cila ndodhet në spitalin e Vlorës.
Materialet iu referuan prokurorisë, për veprime të mëtejshme.