Në Argjentinë presin me ankth përballjen vendimtare me Poloninë, por ndërkohë vendi është tronditur nga një lajm i rëndë. Është ndarë nga jeta në mënyrë të papritur, në moshën 22 vjecare Andres Balanta. Futbollisti kolumbian, ka ndërruar jetë gjatë një stërvitje me ekipin e tij.
Mbrojtësi qendror, konsiderohej nga të gjithë një talent i prespektivës e vitin e kaluar fitoi titullin me Deportivo Cali. Aktualisht Balanta ishte i huazuar te argjentinasit e Atletico Tucuman. Mbrojtësi u shemb përtokë pa ndjenja, ndërsa po kryente stërvitjen e zakonshme me skuadrën, në qendrën stërvitore.
Lexo më tej:Video/ Më keq se Partizani me Benfica: Boca Juniors me 7 të përjashtuar, Superkupa nuk mund të luhej më
Në pritje të njoftimit zyrtar, me shumë mundësi Balanta ka pësuar një infarkt, ndërsa u nda nga jeta pak më vonë në spital. “Atletico Tucuman është i trishtuar të konfirmojë vdekjen e futbollistit kolumbian Andres Balanta. Përqafojmë e shoqërojmë me respekt të thellë familjen e miqtë e tu në këtë moment”, shkruhet në një postim të klubit argjentinas.
Atlético Tucumán lamenta confirmar el fallecimiento del futbolista colombiano Andrés Balanta.
Abrazamos y acompañamos con profundo respeto a sus familiares y amigos en este momento. pic.twitter.com/bwHWNrrk7h
— Atlético Tucumán (@ATOficial) November 29, 2022