• |
ide | kryesore

Kaloi dy playoff për në Katar, Australia kualifikohet me një barazim: Danimarka rrezikon daljen e turpshme

-Instant, Sport
Australia

Australia dhe Danimarka përfundojnë fushatat e tyre në fazën e grupeve të Botërorit kur të takohen në stadiumin Al Janoub. Me Francën që tashmë ka kaluar nga Grupi D, kjo në thelb është bërë një përballje ku fituesi merr gjithcka.


AUSTRALIA

Australia ka përparësinë në këtë ndeshje, duke qenë në vendin e dytë me katër pikë, dy mbi Danimarkën. Ajo ndaj Tunizisë ishte vetëm fitorja e tretë e Australisë në Kupën e Botës. Madje e para që nga viti 2010, kur ata mundën Serbinë në Afrikën e Jugut. Atëherë, ajo fitore nuk mjaftoi për t’i kualifikuar edhe pse me katër pikë, dhe pikërisht i njëjti fat do të përsëritet nëse ata humbasin me danezët. Forma e tyre në Kupat e Botës së mëparshme kundër skuadrave evropiane paraqet shqetësim. Socceros kanë humbur tetë nga 11 takimet e tyre me ekipe nga kontinenti i vjetër. Por ata arritën një barazim 1-1 me Danimarkën në Rusi 4 vite më parë.


Edhe në 2018 ata nuk arritën të kalojnë përtej grupit: në pesë paraqitjet e fundit, ata kanë kaluar vetëm një herë në raundin eliminator, në vitin 2006. Australia kaloi e para në epërsi kundër Francës dhe Tunizisë dhe ndaj afrikanëve ishte hera e parë që ata kryesonin pas pjesës së parë në një ndeshje Botërori. Një portë e paprekur në turne që nga viti 1974 do të ishte e mirëpritur. Nëse mund ta përsërisin atë arritje këtu, do t’i kualifikonte në dëm të Danimarkës. Do të ishte një arritje e pabesueshme për Socceroos të kualifikoheshin, duke pasur parasysh se u duhej të fitonin dy raunde playoff-i për të arritur në Katar. E gjitha pasi fituan vetëm një nga shtatë kualifikueset e tyre të fundit në AFC.

DANIMARKA

Danimarka ishte e jashtëzakonshme në kualifikim, duke fituar nëntë ndeshjet e para kualifikuese me tetë porta të paprekura. Por tani përballet me perspektivën reale të eliminimit të hershëm. Asnjë skuadër nuk mori më shumë pikë në kualifikueset e UEFA-s sesa skuadra e Kasper Hjulmand. Por një përsëritje e rezultatit të tyre kundër australianëve në vitin 2018 do t’i kthente në shtëpi. Ata mund të frymëzohen nga fakti se humbën dy ndeshjet e tyre hapëse të Euro 2020 dhe sërish arritën të dilnin në gjysmëfinale. Kjo falë një shfaqjeje fenomenale kundër Rusisë në ndeshjen e tyre të fundit në grup.

Forma e mëparshme në Kupën e Botës jep gjithashtu arsye për optimizëm. Ata kanë dalë nga faza e grupeve në katër nga pesë paraqitjet e tyre në finale. Megjithatë, ata duhet t’i japin fund një serie prej pesë ndeshjesh pa fitore në Kupën e Botës. Humbja me Francën mbylli një seri prej katër barazimesh të njëpasnjëshme. Les Bleus ishte tepër të fortë për danezët, pavarësisht se e kishin mundur skuadrën e Didier Deschamps dy herë në UEFA Nations League këtë vit.

FORMACIONET

Formacioni i mundshëm i Australisë:

Ryan; Karacic, Souttar, Rowles, Behich; Leckie, Irvine, Mooy, McGree, Goodwin; Duke

Formacioni i mundshëm i Danimarkës:

Schmeichel; Andersen, Kjaer, Christensen; Kristensen, Hojbjerg, Eriksen, Maehle; Skov Olsen, Dolberg, Damsgaard

Lexo më tej: Video / Katar 2022: Australia, fitore e vuajtur: Duke mposht Tunizinë dhe mban me shpresë australianët

PRECEDENTËT

Fitore: 2

Barazime: 1

Humbje: 1

06 Feb 2007 Australia v Denmark W 1-3 International Friendly

01 Jun 2010 Australia v Denmark L 1-0 International Friendly

02 Jun 2012 Denmark v Australia W 2-0 International Friendly

21 Jun 2018 Denmark v Australia D 1-1 FIFA World Cup


Lini një Përgjigje

Adresa juaj email s’do të bëhet publike.