Kanye West ofroi mbështetjen e tij për Balenciaga pasi shtëpia e modës u kritikua për fushatën e saj të diskutueshme reklamuese me fëmijë.
“Unë qëndroj pranë Balenciaga-s. Denoncoj të gjitha gjuetitë e shtrigave . Trafikimi nuk fillon ose mbaron me një fushatë mode për hir të Krishtit,” tha ai në mes të një stuhie në Twitter të enjten vonë në mbrëmje. Ai më pas tha në një postim të dytë në Twitter, i cili shfaqte një foto të tij, “Kurrë mos na ktheni shpinën. Familja Balenciaga përjetë.
Më herët gjatë ditës, reperi kishte ndarë në Twitter një shkëmbim tekstesh me drejtoreshën kreative të Balenciaga, Demna Gvasalia, me të cilën ai ka punuar në projekte të shumta për vite me radhë.
Në tekstet e supozuara, Denma iu lut West që t’i kërkonte fansave të tij “të ndalojnë urrejtjen ndaj saj”, për të cilën ai u përgjigj me “Dashuria shëron gjithçka, Duaje Denma”.
Kanye e vazhdoi bisedën me një postim në Twitter me një tjetër që thoshte;”Zoti e do Balenciaga. Dashuria është përgjigja. Jezusi është përgjigja. Duke u lutur për të gjithë artistët e pafajshëm dhe njerëzit e bukur që bëjnë veshje .”
Reperi tha gjithashtu se anulimi i Balenciaga nuk ishte mënyra për t’i dhënë fund trafikimit seksual të fëmijëve. Në vend të kësaj, ai kërkoi “të hiqte çdo formë porn0grafie nga Twitter dhe çdo platformë. Pas zhurmës së tij, Twitter-i i tij ishte i kufizuar për 12 orë, njoftoi ai në aplikacionin Truth Social të ish-presidentit Donald Trump.
Sidoqoftë, Elon Musk, postoi se West ishte “pezulluar” nga platforma. “Unë u përpoqa. Pavarësisht kësaj, ai përsëri shkeli rregullin tonë kundër nxitjes së dhunës. Llogaria do të pezullohet”, ka shkruar ai./Lapsi.al