Avatar: The Way of Water ende nuk është publikuar, por Sam Worthington thotë se xhirimet për pjesën e ardhshme praktikisht kanë përfunduar.
Në The Tonight Show me Jimmy Fallon të martën, Worthington i tha Fallon se “rreth 80, 90 për qind” e filmit të tretë ” tashmë është filmuar. Sipas aktorit australian, një pjesë e filmit të katërt është xhiruar gjithashtu: “Ne bëmë disa skena sepse fëmijët po rriten”.”Ka pesë në sagë nëse kemi fatin ta marrim atë,” i tha Sam prezantuesit të Tonight Show.
Edhe pse tre filma të tjerë Avatar tashmë janë planifikuar të dalin në 2024, 2026 dhe 2028, Worthington, ashtu si regjisori James Cameron, tha se suksesi i vazhdimit do të diktojë se sa nga e ardhmja e Na’vi-t do të jetë në ekran.
“Ne nuk jemi aq arrogantë sa të supozojmë se do të ketë sukses,” u shpreh aktori. “Ne me të vërtetë shpresojmë kështu sepse ne e duam filmin.”
Filmi do të ndjekë personazhet kryesore të filmit origjinal; Jake Sully (Worthington) dhe Neytiri (Zoe Saldaña), ndërsa ata nisin një aventurë të re: prindërimin. Sigourney Weaver dhe Stephen Lang do të ripërsërisin gjithashtu rolet e tyre në film. Avatar: The Way of Water shfaqet në kinema më 16 dhjetor./Lapsi.al