• |
ide | kryesore

Video/ Koreja e Jugut përfiton nga toleranca e Portugalisë: Hee-Chan kualifikon aziatikët me golin në shtesë

-Instant, Sport
Koreja

Koreja e Jugut është në raundin e  1/8-ave të Kupës së Botës 2022 pasi mundi 2-1 Portugalinë në ndeshjen e tretë të Grupit H. Skuadra e Bento fitoi pas disavantazhit fillestar të vendosur nga Ricardo Horta në minutën e 5′. Koreja e Jugut barazoi në të 27′ me Young-Gwon “i ndihmuar” nga Cristiano Ronaldo. Në pjesën e dytë, luzitanianët humbën disa rinisje, ndërsa në minutën e 91′  Hee-Chan shënoi dhe i dhuroi kualifikimin skaudrës së tij. Kështu Koreja e Jugut është e dyta e kualifikuar në 1/8-at e Katar 2022 nga Grupi H, pas Portugalisë. Edhe pse Uruguaji fitoi në ndeshjen tjetër, atë me Ganën duke arritur pikë të barabarta me Korenë e Jugut, amerikanolatinët nuk arritën të kalojnë raundin për shkak të golavarazhit.


Në një Botëror të çuditshëm ku gjithçka po ndodh në fazën e grupeve, një kapitull tjetër nuk mund të mungonte për tu treguar. Koreja e Jugut e shkruan me forcën e vendosmërisë ndaj një Portugalie qarkulluese, por asnjëherë vendimtare në metrat e fundit. Edhe Cristiano Ronaldo në kërkesë të vazhdueshme për topa të luajtshëm duhej të dorëzohej në zero goditje. CR7 në ndjekje të rekordit të Eusebios duhej të kënaqej me një goditje me kokë larg kuadratit. Pastaj mundësinë flagrante të humbur vetëm me portierin, kur rezultati ishte 1-1.


E PAMENDUESHMJA NDODHI

Duhej të ndodhte thuajse e pamundura dhe ashtu u bë. Koreja e Jugut feston një kualifikim të bujshëm në raundin e 1/8 duke mundur Portugalinë 2-1 në kohën shtesë. E duke përfituar nga suksesi i njëkohshëm i Uruguait ndaj Ganës me vetëm dy gola diferencë, avancoi si e dytë. Uruguajit i duhej edhe një gol për të kaluar aziatikët, një gol që nuk e shënoi dot. Bilanci në grup u prish nga numri më i madh i golave ​​të shënuar nga Koreja e Jugut, i fundit vendimtar në minutën e 91-të me kundërsulmin perfekt të Son dhe Hee-Chan. Pastaj dhjetë minuta vuajtje, me veshin tek ajo që po ndodhte mes Uruguait dhe Ganës. Festa nisi në fund, misioni u përmbush dhe nuk ishte aspak një rezultat i paramenduar.


Lini një Përgjigje

Adresa juaj email s’do të bëhet publike.