Giroud, "mbreti" i Francës: shënuesi më i mirë i historisë së Bleus

Olivier Giroud është gjithnjë e më shumë në historinë e Francës. Falë golit të shënuar ndaj Polonisë, në 1/8 e Kupës së Botës, sulmuesi i Milan arriti në kuotën 52 gola. Kaq mjaftoi për tu shkëputur nga shoqëria e Thierry Henry (51), duke kaluar në krye të renditjes si golashënuesi më i mirë i të gjitha kohërave, me fanellën e Les Bleus.

“Është fantastike, ishte një ëndërr fëmijërie të isha në gjendje të kaloja Henry. Është një krenari e pafund dhe është diçka e jashtëzakonshme të jesh në gjendje ta bësh këtë gjatë një Kupe Bote – tha Giroud për Tf1 -. Shpresoj që do të vazhdoj të shënoj përsëri për të shkuar sa më larg të mundem. Goli im na vendosi në rrugën e duhur në një lojë të komplikuar, në të cilën edhe rrezikuam pak. Pastaj arritëm të shënonim të dytin dhe të tretin – vazhdoi ai -. Tani aventura vazhdon. Rruga është ende e gjatë por nuk e fshehim kënaqësinë”.

𝑆𝑒𝑢𝑙 𝑠𝑢𝑟 𝑠𝑜𝑛 𝑡𝑟𝑜̂𝑛𝑒 👑

Ouverture du score des Bleus à la 44e minute !! 😍

Grâce à ce but, @OlivierGiroud devient le 𝙈𝙀𝙄𝙇𝙇𝙀𝙐𝙍 𝘽𝙐𝙏𝙀𝙐𝙍 de l’histoire de l’Équipe de France 🇫🇷

🇫🇷1-0🇵🇱 #FRAPOL | #FiersdetreBleus pic.twitter.com/exSxlTjYQX

— Equipe de France ⭐⭐ (@equipedefrance) December 4, 2022