Dy të rinj janë arrestuar nga policia në Shkodër. Kjo pasi ata u kapën në makinë me doza heroine. Një sasi lëndë e dyshuar narkotike heroinë, e ndarë në doza, gati për shitje u sekuestrua nga policia.
Blutë njoftojnë se u arrestuan në flagrancë shtetasit E. S., 21 vjeç dhe A. V., 24 vjeç, të dy banues në Shkodër. Materialet procedurale i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme.