• |
ide | kryesore

“Ti je më i mirë se Tsipras”/ “Kathimerini”: Rama i kërkoi falje Mitsotakis

-Instant, Arkiva, Lajme, Të fundit
Mitsotakis

Pak orë para takimit që pati sot me kryeministrin grek Kyriakos Mitsotakis në Tiranë në margjinat e Samitit BE-Ballkani Perëndimor, kryeministri shqiptar deklaroi në një intervistë në faqen informative Euractiv se “procesi i anëtarësimit në Ballkanin Perëndimor në Bashkimin Evropian nuk është si provimet e shkollës ku mund të “mashtronsh” për t’u futur, si ishte Greqia.


Në intervistën e tij, të publikuar të martën, Rama tha se “nuk duhet të harrojmë se procesi i anëtarësimit është një proces i individualizuar bazuar në meritat e [çdo vendi]. Duhet të plotësojmë disa kritere dhe nuk është një provim ku mund të “vjedhësh” edhe nëse profesorët janë më se të gatshëm të të ndihmojnë. Është në interesin tuaj që t’i kaloni këto provime dhe jo si Greqia.”


Por kryeministri shqiptar, i cili pati një takim me homologun e tij grek në kryeqytetin shqiptar e reformoi qëndrimin.

“Më fal për diçka që dëgjova. Që thashë disa gjëra të çuditshme për Greqinë, se si arriti disa gjëra – do të kthehemi ndoshta në kohën e Trojës – por nuk është diçka që ka të bëjë me të tashmen. Nuk ishte në asnjë mënyrë me Hellasin e sotëm. Ti e di që jam socialist, por nuk e fsheh që për mua je kryeministri më i mirë grek. Nuk jemi në të njëjtin grup politik. Alexis (Tsipras) është një mik shumë i mirë, por çfarë të them? Kështu janë gjërat. Dhe ju nuk jeni në një fushatë zgjedhore, kështu që nuk është një lloj ndërhyrjeje” – tha Rama.

Gjatë takimit të delegacioneve të zgjeruara, kryeministri grek vuri në dukje se hartimi i një marrëveshjeje për referimin e përcaktimit të zonave detare në Gjykatën Ndërkombëtare të Drejtësisë në Hagë, siç u diskutua mes dy palëve, do të përbënte një përmirësim të mëtejshëm të marrëdhënieve greko-shqiptare.

Mitsotakis vuri në dukje se rekursi në Hagë do të ishte provë e rëndësisë së respektimit të së drejtës ndërkombëtare në zgjidhjen e mosmarrëveshjeve të tilla. Ai ngriti edhe çështjet që kanë të bëjnë me pakicën kombëtare greke.

Mitsotakis përsëriti mbështetjen e vendosur dhe të fortë të Greqisë për perspektivën evropiane të Shqipërisë dhe Ballkanit Perëndimor më gjerësisht, në përputhje me kushtet e vendosura nga BE. Ai theksoi se ky është një rajon me rëndësi të madhe gjeopolitike për Evropën, i cili mund të luajë një rol edhe më të rëndësishëm në fronte me rëndësi strategjike, siç është siguria energjetike. ©Marrë nga Kathimerini, përshtati në shqip LAPSI.al


2 Comments

  1. “””
    Befas une te pyeta
    Tek te sodisja ty me endje
    Si i thone te dua
    Ne gjuhen e nenes tende

    Fare mire e dije
    Por nga une e prisje
    Sagapo te thashe te dua
    fjale dashurie
    “””
    ❤❤❤

Lini një Përgjigje

Adresa juaj email s’do të bëhet publike.