Arrestohet Gazment Kusta. 35-vjeçari është një emër i njohur për policinë dhe i shumëkërkuar nga uniformat blu.
Ai kërkohej për një ngjarje të rregjistruar në 17 shkurt 2021 ku Kusta së bashku me 3 persona të maskuar u futën brenda një lokali në Fushë Krujë të armatosur. Me një shkop bejsbolli ata kanë dhunuar një shtetas të identifikuar si Elvis Elezi.
“Shërbimet e Forcës së Posaçme “Shqiponja”, në vijim të punës për goditjen e paligjshmërive, mbështetur në inteligjencë informative, mbi vendndodhjen e një shtetasi në kërkim, kanë organizuar punën për kapjen e tij.
Në Rrugën e Kokonozëve, shërbimet e Forcës së Posaçme “Shqiponja”, kanë ndaluar mjetin me drejtues shtetasin A. O., 32 vjeç, dhe pasagjer shtetasin Gentian Kusta, 35 vjeç.
Pas verifikimeve të kryera ka rezultuar se 35-vjeçari ishte shpallur në kërkim për veprat penale “Kanosja”, “Plagosja e lehtë me dashje” dhe “Mbajtja pa leje dhe prodhimi i armëve, armëve shpërthyese dhe i municionit”. Materialet i kaluan Prokurorisë për veprime të mëtejshme procedurale” – thuhet në njoftim. ©LAPSI.al