Personi në foton më lart është Selman Lajçi. 53-vjeçari u arrestua këtë të enjte në Portin e Durrësit me një arsenal armësh në makinën e tij. Nga një kontroll në vijën e dytë iu gjet në brendësi të automjetit një snajper, një pistoletë dhe një shotgan.
Me vete kishte edhe mbi 1300 fishekë dhe 800 të tjerë për armë gjahu. 53-vjeçari kishte hyrë në vendin tonë me tragetin e Ankonës me një makinë tip Land Rover. Sipas policisë destinacioni i tij ishte Kosova.
Burime zyrtare nga policia thanë se ai jetonte në Zvicër. Nuk dihet se cili ishte qëllimi i këtij trafiku armësh. Hetuesit shqiptarë janë duke verifikuar lidhjet e Lajçit në bashkëpunim me homologët në Kosovë dhe vendet e tjera të BE. Operacioni i koduar “Snajperi” është zhvilluar mbi bazën e inteligjencës informative dhe analizës së riskut. ©LAPSI.al
LEXO EDHE: Kapet arsenal armësh në Portin e Durrësit, arrestohet 53-vjeçari nga Kosova (VIDEO)