Çështje personale e makthi europian i Argjentinës: Holanda e pamundur prej 19 ndeshjesh

Një çerekfinale e Kupës së Botës 2022, që premton gola, zhvillohet në stadiumin Lusail Iconic mbrëmjen e sotme. Holanda sfidon Argjentinën për një vend në katër më të mirët. Një ndeshje me beteja personale, si ajo mes teknikut Oranje Van Gaal e Angel Di Maria. Të dy kanë mllefet e kohës së United dhe i kanë risjellë sërish në vëmendje para ndeshjes. Të besuarit e Louis van Gaal mposhtën SHBA-në 3-1 për të siguruar vendin e tyre në çerekfinale. Kampionët e Amerikës së Jugut, në anën tjetër, morën më të mirën përballë Australia me një 2-1 që mbajti gjallë shpresat e tyre për lavdi.

HOLANDA

Seria e nxehtë e Cody Gakpo para portës mund të ketë marrë fund kundër SHBA-ve, por mbrojtësit e krahut të Van Gaal morën barrën e golave në 1/8. Van Gaal bëri pak për të justifikuar pretendimet e tij se Holanda nuk është një skuadër “e mërzitshme”, kur SHBA i vuri nën presion. Oranje sigurisht që u mësoi homologëve të tyre amerikanë një leksion për pamëshirshmërinë për të kaluar në çerekfinale për herë të tretë radhazi.

Në të vërtetë, Holanda tani ka arritur në tetë të fundit, në katër nga pesë turnetë e tyre të fundit të Kupës së Botës. Përjashtimi është eliminimi në 16 të fundit në 2006. Oranje kaluan në gjysmëfinale si në 2010 ashtu edhe në 2014, përpara se të dështonin keq për t’u kualifikuar për edicioni Rusi. Që nga viti 1994, nënkampionët e 2010 nuk dështojnë të fitojnë një ndeshje çerekfinale në Kupën e Botës. Seria e pamposhtur e Holandës, në të gjitha garat, tani është 19 ndeshje, por diçka duhet të tregojë kur dy pesha të rënda ofensive luftojnë për supremaci.

ARGJENTINA

Skenari ishte shkruar në yje që Lionel Messi t’i jepte fund shterpësisë në ndeshjet me eliminim në Kupën e Botës, në ndeshjen e tij të 1000-të në karrierë. Shtatë herë fituesi i Topit të Artë më në fund shënoi golin kundër Australisë, që nuk u dorëzua, edhe pas golit të dytë. Socceroos thuajse bënë të paimagjinueshmen në sekondat e fundit, por Emiliano Martinez bëri një pritje jetike për të kaluar Argjentinën në tetëshen e fundit. Argjentina ka përparuar në çerekfinale, herën e fundit, në 2014 kur u shpallën nënkampione.

Lexo më tej:Trajneri më i keq, Van Gaal replikon me Di Maria: “Edhe Depay nuk luante te United, tani puthemi në buzë”

Por ata kishin humbur tre përballjet e tyre fundit në çerekfinale para kësaj: në 1998, 2006 dhe 2010. Shpresat e tyre për lavdi kanë përfunduar nga duart e skuadrave evropiane nëntë herë radhazi, që nga edicioni inaugurues i vitit 1930. Historia nuk i favorizon djemtë e Lionel Scalonit, por një seri golash prej 13 ndeshjesh radhazi në të gjitha garat e favorizon. Albiceleste beson shumë te Messi teksa përpiqet t’i japë fund një serie shterpe në takimet e mëparshme me holandezët. Në të vërtetë, Argjentina nuk ka arritur të shënojë në secilën nga tre ndeshjet e fundit kundër Holandës. Oranje ka mbajtur Albiceleste në barazime 0-0 në dy takimet e fundit të Kupës së Botës, duke humbur gjysmëfinalen e 2014 me penallti. Por gjëja e fundit që i duhet turneut të Katarit është një tjetër çështje pa gola.