Një operacion i policisë antidrogë ka nisur në orët e para të mëngjesit në zonën e Citta delle Pieve në Itali. Nga burimet hetimore të hetuesve italianë thuhet se po vijojnë arrestimet ndaj disa shtetasve shqiptarë. Ata akuzohen për trafik droge, veçanërisht për kokainë dhe kanabis.
Hetimi konstatoi se grupi i shqiptarëve drejtonte prej kohësh një treg të trafikut të drogës në zonën e liqenit Trasimeno. Detajet e operacionit do të bëhen të ditura më vonë.