• |
ide | kryesore

Osmani: Në territorin e Kosovës s’do të ketë kurrë më policë e ushtarë të Serbisë

-Instant, Arkiva, Lajme, Të fundit
sigurisë


Dje dhe sot ka pasur kërcënime të hapura të zyrtarëve të lartë të Serbisë se janë duke e shqyrtuar mundësinë e dërgimit të 1 mijë ushtarëve në Kosovë siç thonë “në përputhje me Rezolutën 1244”.

Për këtë ka reaguar presidentja e Republikës së Kosovës, Vjosa Osmani. Ajo tha se në territorin e Kosovës s’do të ketë kurrë më as policë e as ushtarë të Serbisë.

“Ëndrra hegjemoniste e Serbisë nuk do të jetësohet kurrë”.

Reagimi i plotë:

Kërcënimi i hapur për agresion policor e ushtarak nga ana e Serbisë dëshmon se në atë shtet vazhdon mendësia hegjemoniste. Kjo duhet të refuzohet e kundërshtohet qartë nga e gjithë bota demokratike, e cila i dha goditjen më të fuqishme kësaj mendësie pikërisht në vitin 1999.

Plagosja e mbrëmshme e një pjesëtari të Policisë së Kosovës është veprim kriminal dhe i orientuar kundër rendit kushtetues e sovranitetit të Kosovës si dhe kundër veprimeve për sundim të rendit e ligjit. Gjithashtu, sulmet ndaj gazetarëve përbëjnë cenim flagrant të të drejtës për informim të lirë.

Autorët e këtyre krimeve, urgjentisht të sillen para drejtësisë, ndërkaq institucionet e drejtësisë duhet të veprojnë menjëherë.

Në territorin e Republikës së Kosovës kurrë më nuk do të ketë policë dhe ushtarë të Serbisë! Ëndrra hegjemoniste e Serbisë nuk do të jetësohet kurrë!


4 Comments

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *