Pas situatës së tensionuar që u krijua në pikëkalimet kufitare Jarinjë e Bërnjak, ka reaguar kryeministri i Kosovës, Albin Kurti i cili thotë se Kosova nuk dëshiron konflikt, por paqe dhe progres. Megjithatë, Kurti thotë se agresionit do t’i përgjigjen me të gjitha fuqitë që ka Kosova.
Kurti përmes një shkrimi në Facebook tha se nëse këto veprime nuk dënohen nga BE-ja dhe ShBA’të, atëherë kjo do ta inkurajojë Beogradin zyrtar për më shumë nxitje për destabilizim të Kosovës.
Tutje, Kurti tha se ministri i Brendshëm, Xhelal Sveçla është në kontakt me Komandantin e KFOR-it Ristuccia.
Kurti tha se barrikadat në veri duhet të largohen.
Komunikata e plotë e kryeministrit Kurti:
Ka disa ditë që Serbia kërcënon Kosovën me agresion. Presidenti dhe kryeministrja e Serbisë bëjnë thirrje për kthimin e ushtrisë serbe në Kosovë. Një mijë ushtarë thonë, duke u thirrur në Rezolutën 1244 (1999) të KS të OKB-së.
Ata duan një kthim të dyfishtë. E para, kthim në kohën e Milosheviqit dhe të luftës. Së dyti, që çështja e Kosovës të kthehet në OKB dhe sa më larg BE-së.
Si reagim ndaj propozimit të BE-së të mbështetur nga Franca e Gjermania (dhe ShBA-të), duan kthim te KS i OKB-së ku ndodhet vetoja e Rusisë (dhe Kinës).
Kosova është shtet evropian, demokratik dhe pro-amerikan. Me këtë udhëheqje që ka, Serbia është autokratike, pro-aziatike dhe luftënxitëse. Ne nuk duam konflikt, ne duam paqe dhe progres, por agresionit do t’i përgjigjemi me gjithë fuqinë që kemi.
Tash që as targat e automjeteve dhe as datën e zgjedhjeve nuk mund t’i përdorin si pretekst, strukturat ilegale të Serbisë të shndërruara në banda kriminale u zbuluan në etjen e tyre për zjarr e gjak.
Çdo mosdënim i vendosur nga ana e BE-së dhe ShBA-ve i kësaj dhune të orkestruar do të inkurajojë Beogradin zyrtar për më shumë nxitje për destabilizim të Kosovës.
Ministri i brendshëm Sveçla është në kontakt me Komandantin e KFOR-it Ristuccia. Barrikadat e kriminelëve me maska në veri duhet të hiqen menjëherë. Kosova është vend i qytetarëve të lirë e punëtorë, pa dallim etnie e feje, gjinie e moshe. Kriminelët dhe rusofilët do të dështojnë. Republika e Kosovës do të fitojë.. Kriminelët dhe rusofilët do të dështojnë. Republika e Kosovës do të fitojë.
”’ nëse këto veprime nuk dënohen nga BE-ja dhe ShBA’të, atëherë kjo do ta inkurajojë Beogradin zyrtar për më shumë nxitje për destabilizim të Kosovës. ”’
Supozojme se ata nuk do reagojne , Si do veprosh ti ? Si do veprojme ne ? Pse keshtu do vazhdohet ? Sa here kercasin dhembet serbet, ne qurravitemi tek BE dhe USA .
Albin, Serbet jane popull me ndjenje shume te forte nacionaliste ( kombetare) dhe nuk do ti lene kurre ne balte serbet e kososves. Ata biles po sjellin serbe nga Bosnja per te populluar me shume veriun e Kosoves.
Une nuk shoh asnje zgjidhje realiste per kete konflikt qe Kosova do ta mbarti gjithmone deri sa te kete nje komunitet Serb ne veri te saj.
fiks si ameriqeni ne lindjen e mesme per gjak e nafte
Ësbtë interesante se në biseda private me militantët militantë të PS, të tërë janë me Rusinë kundër Ukrainës dhe me Serbinë kundër Kosovës (përfshirë këtu dhe të parin e tyre Edi Ramën).
Te lumtë Albin për qëndresën që po bën. Do t’i vij dita serbëve të paguajnë çdo krim. Dhe po të njëjtin fat do kenë edhe tradhtarët në Shqipëri me në krye Ram Kokainën.